Asturian Weird Foundation

Suel tener la etiqueta de ‘la peor película de terror del mundu’, y nun debe andar lloñe. Tien un toque giallo, con pinceladinas sexuales, pezones al aire a puntu de morrer y coses asina. El trailer dura cinco minutos, les interpretaciones faen rir y tien lleenda: dicen que se filmó nel 79 y nun se pudo estrenar hasta’l 83 por mor de problemes nel llaboratoriu nel que se procesaba, polo que’l direutor fizo un montaxe nuevu con narrador (nada más cutre) pa la estrena. A night to dismember ye exploitation n’estáu puru, d’esi qu’imita Pedro (Kárate a muerte en Torremolinos, Psycho-lettes) Temboury. Interesante, pa tolo que tien que ver con exploitation, el wiki VideoUnderbelly.

Si nun lu ves calca equí.

Ya que tamos de campaña, dexémonos llevar por esta fola democrática que mos invade sintiendo una opción descoyonante. España 2000, pal que nun lo sepa, ye un partíu de Valencia patriota-bacaladero, cuyo presidente (esti a manzorga) ye amás cabezaleru d’una patronal de puticlús o dalgo asina. Pues bien, diendo perhí atopé esti videu impagable… un mitin ensin censura de la plana mayor d’esti partíu  en la  bizarra ciudá de Benidorm. Dende’l primer momentu ye flipante’l nivel d’esta peña… “E’paña”, diz una presentadora con pinta d’haber construyío’l so pensamientu ideolóxicu nuna sala de videoxuegos. Lluéu vienen un par de tipos rapaos, que casi nun acierten a lleer el foliu que tienen delantre, y echa’l pieslle, cómo non, el lider máximu esti, que  ye too un célebre. Yá quixera Gabino dicir coses como: “hay palabras que significan distinto segun la persona, no es lo mismo la palabra rosa para un jardinero que para un marica” (rises y aplausos de los presentes).

Y qué dicir de la escenografia… impagable. Val mas que lu veais.

Si nun lu ves, calca equí.

La verdá ye qu’un instrumentu como’l ceremín paez fechu pal bizarrismu. Y Thomas Grillo ye la demostración. Tou un virtuosu d’esti instrumentu que se toca ensin tocalu. Grillo pon clases dende la so web de como tocalu, y fai espectáculos tan bizarros como’l que dexo darréu, o como esti, más patrióticu.

Col tema esti de les parafilies y el fetish, toi acabante de descubrir el fascinante mundu de l’acrotomofilia y l’apotemnofilia. Entrambes les dos son variaciones d’una mesma especialidá fetichista basada n’atracción polos amputaos, xeneralmente poles amputaes. La primera, define a quienes-yos presta ver, tocar y desear muyeres a les que-yos falta una pierna, les manes, un brazu… Los apotemnofílicos (o ‘wannabes’), son los que sienten una necesidá sexual imperiosa d’amputase dalgo, a quienes-yos escita enforma la idea.
El caso ye qu’esto ye munchu más complexu que’l tema del estrapalle de bichos, que cinca colo voyeur…
Como pasara con otres filies, el fetichismu pro-mancu conoció un esporpolle bultable gracies a internet. Allá pelos 80, los acrotomófilos yeren más bien xente raro qu’escucaba mancos y tullíos peles cais. Agora non. Agora hai muñeques hinchables amputaes, axencies matrimoniales qu’ufren a homes solventes relación con dispuestes muyeres ruses, casaderes y a les que-yos falta dalgún cachu, clubes que venden DVD’s y semeyes de muyeres amputaes sexis, grupos de noticies qu’entamen convenciones añales… Too un mundu pa un placer distintu.

La estaya d’investigación de l’Asturian Weird Foundation entama equí una serie sobre les parafilies, esi fenómenu pel que algamamos altos niveles d’escitación sexual observando situaciones bizarres.

El crush fetish ye un subxéneru del fetichismu del pie consistente en cómo una moza estrapalla colos sos pinreles animales pequeños. Hai derivaciones soft, con frutes y otros obxetos, pero l’auténticu crush fetish ye con bichos. Dende mosques a gatinos pasando por mures o culiebres.

Esta implicación de la muerte d’animales pa satisfacción personal fizo yá que Mickey Rooney tomara cartes nel asuntu pidiendo l’abolición d’esti xéneru viciosu, especialmente lo que cinca a les pelis crush o ’snuff movies con animales’. Al tiempu, hai sectores de fetichistes del estrapalla bichos que s’amuesen contrarios a la tortura d’animales y prefieren usar insectos o lates de cerveza.

Otra derivación ye la qu’aplica técniques crush con persones (dominatriz y esclavu, polo xeneral), de nome ‘trampling’. Como en too, Internet vien siendo’l mediu ideal pa poner en contautu a tolos aficionados del estrapalle eróticu, que paguen el so dineru pola descarga de videos de moces en pantis pisando coses. A una china se-y fue de la mano la cosa, y pilláronla faciendo de les suyes con un gatín, lo que-y costó lo suyo.

Si nun lo ves, calca equí.

Don Vity nos apurre una recomendación: Amanita y los Faloides canten ‘144000′. Presten sobre too los dibuxos sacaos de L’Atalaya, que son la caña y que dacuendo habría que dedica-yos un post esclusivu. Encuantes a los cantantes, polo que ví perhí son un grupín aragones que ta teniendo cierta sonadía col so tema últimu: ‘Teruel no existe‘. Tolos sos cantares tiénenlos disponibles y descargables na so web. Gracies Vity.

Pal que nun lo vea, calca equí.

L’Asturian Weird Foundation, al traviés d’esti post, posiciónase na campaña electoral de les presidenciales USA. Nin Hilaria, nin Obama, nin esi paisa con apellíu de patates conxelaes pretostaes. Dende equí, encamentamos a tolos estaunidenses a votar por Al Goldstein, el güelu más gochu del mundu. Que’l so logu de campaña seya tan cutre y asemeyáu al d’esta fundación nun ye’l motivu, sinon qu’analizamos con precuru el so ideariu programáticu: ‘pro-tetes’, ‘pro-clitoris’, ‘pro-porros’, ‘pro-libros’ y ‘pro-pensamientu’ pa una América meyor. Ente les promeses: esaniciar la ‘O’ de COUNTRY (xuegu de palabres intraducible) y l’afitamientu d’un sistema públicu d’atención social: AL-Care, con servicios como cunilingus subvencionáu pa toles muyeres. Visitái la so páxina de campaña: Goldstein’08

Al Goldstein… el visionariu fundador de la revista porno-contracultural ‘Screw’ (anguañu una valoratible guía de putes neoyorquines’), promotor de la productora Milky Way (de xuru que vos suena, gochones), casáu cincu veces… ye l’únicu que defende el matrimoniu gay (”Si a un home-y gusta llamber polles y quier casase pa ello, tien el derechu a facelu… magar que yo nun-y lo aconseyu, porque yo que tuve casáu cinco vegaes sé que namás val pa sufrimientu, dolor y perda de perres”, bien a dicir nesti videu de campaña). Acordaivos… si tenéis collacios nos USA, que fagan campaña por Al Goldstein… el güelín más gochu del mundu.

pal que nun lo vea, que calque equí.

La estrena más esperada de la política asturiana… nun ye Gabino faciendo de Curro Ximenez, ye el gran Henry Felgueroso en… ‘Henry Driver’, producción nueva de Jim Box en toles pantalles esti xueves. Na peli, el gran Henry conduz el so taxi con Laura ‘Güelita’ González a bordo. Dicen que nun ye un remake de ‘Paseando a Miss Daisy’… veremos si los plifamos y nun ye una sosada como’l tebeín esi del ‘Gaspi’.

Xuxa nunca nun foi valorada n’España cola xusticia que merez. La so apaición a entamos de los noventa foi dalgo incomparable d’una trescendencia que marcó pa siempres la televisión infantil. Hai tres fenómenos fundamentales qu’espliquen munches coses, y son la saga Aragón, Torrebruno y Xuxa.

D’esta última, a la que vemos equí col que fuera’l so noviu Pelé énte les torres ximielgues (nun pue haber semeya más bizarra), rescampla la so lleenda prieta. Faise llamar anguaño la reina de los ruinucos… y nun dexa de tener coña esi enfotu na infancia. D’ella díxeren va tiempu qu’hubiere entamao la so carrera con una peliculina gochona, qu’había porno protagonizáu por Xuxa corriendo pel mercáu clandestín brasileiro. Pero non, lo cierto ye que nun yera porno. Yera puro bizarrismu nel que una entá bien moza Xuxa (con 18 ó 19 años) ponía les tetes n’amuesa pa seducir a un rapacín (de 12 ó 13 años, según les fontes).

La lleenda diz tamién que, col tiempu, Xuxa trató y llogró de retirar del mercáu les copies en VHS de ‘Amor, estranho amor’. Sicasí, con esi enfotu nun consiguió más que convertir la película en puro fetiche a subastar en Ebay, lo que-y llevó a otra batalla, esta vuelta xudicial, pa que prohibieran tamién la so venta n’internet. Y un xuez brasileñu-y dio tamién la razón.

D’esta manera, namái queda yá esfrutar gratis de la polémica escena, que daquién tien colgao, pel momentu, nel Youtube… y que l’Asturian Weird Foundation tien el presto d’enllazar.

Ye una auténtica xoya de la canción italiana… y lo sabe… El so ‘Ricominciamo’ foi un esitu bultable en Chile y n’Arxentina allá pela dómina de la guerra de les Malvines… y el so estilismu ye… una preciosidá. Quedaivos col so nome: Adriano Pappalardo. Va poco pudísteislu atopar na Islla de los Famosos italiana… como Joselito…

¿La so música?  de lo bonu lo meyor. Equí un exemplu