Asturian Weird Foundation » Treceño

Treceño 4: Areces cree na vida estraterrestre

Capitán Alimerca — Wed, 27 Jan 2010 01:11:20 +0000

Esti nuevu episodiu ye, de fechu, un clásicu nes entrevistes de Treceño: esti home aveza a entruga-yos a los sos invitaos sobre les sos esmoliciones ufolóxiques y estraterrestres. Areces paez que lo tien claro: too apunta a que hai vida n’otres galaxes.

Calca equí pa ver el videu.

Compártilu

Treceño 3: Areces cree que la xente confúndese n’internet

Capitán Alimerca — Fri, 22 Jan 2010 01:10:13 +0000

N’esti tercer episodiu, Treceñpon n’evidencia una estratexa típica d’Areces: Treceño entruga-y polos escáneres que se-yos tien fecho a los yoguis, y el presidente respuende que la xente confunde la llibertá d’información col llibertinaxe, que too eso de les redes sociales nun val más que pa confundir a la xente, a la qu’habría d’educar pa qu’entendiera les coses como son. ¿Falará de l’Asturian Weird Foundation? ¿Pasaranos una esbilla d’enllaces que sí son de fiar?

Calca equí pa ver el videu.

Compártilu

Treceño 2: Areces ye más de sidra achampanao

Capitán Alimerca — Tue, 19 Jan 2010 20:59:36 +0000

N’esti segundu capítulu, Treceño-y entruga a Areces poles fiestes navidiegues (la entrevista emitióse esti día de Nuechebona), y consigue una primer esclusiva: el presidente del Principáu ye más de sidra achampanao, anque dacuando tamién-y presta dar un sorbiatu al cava. Turrón, poco, y si bien les navidaes tienen matices estremaos n’América y Europa (diz el presidente), lo cierto ye que El Corte Inglés tien munchu aquél n’estes feches. El que nun lo entienda, que lu vea.

Calca equí pa ver el videu.

Compártilu