Zarrando webs pola oficialidá
Con motivu del día les lletres asturianes, Altuxa.com va zarrar la so web pa pedir la oficialidá del asturianu na reforma del estatutu. Y sería bien prestosu poder esparder esta iniciativa a otros sitios. Y pa ello ficimos distintos códigos pa poder usalos en cualesquier web.
El métodu más cenciellu, que val pa los que nun tienen accesu a los ficheros de la so web, pero que si pueden editar plantíes, ye poner esti códigu entre les etiquetes <head> y </head> (facelo depués de les 12 de la nueche del xueves):
<script src=”http://altuxa.com/oficialida/oficialida.js” type=”text/javascript”></script>
La web redirixira a esta páxina y nel enllaz d’abaxu dará accesu al sitiu pa quien quiera visitalu.
Pa los que tienen accesu al so servidor, disponen d’un script en PHP (incluí instruciones pa configuralo).
Los que usen WordPress tienen un plugin en dos versiones automáticu (si el to servidor ta configuráu cola hora d’Asturies) y manual (pa poder zarrar/abrir el blogue activando/desactivando’l plugin).
Y pa finar, una versión en JavaScript pa los que nun puedan usar PHP, pa más información visitái el wiki.
Cualesquier dulda, suxerencia y/o aportación será bien recibida ;-D
La semeya de la Pita de la Xunta ta fecha por Vity.
8 de Mayu de 2008 - 10:59 am
Paezme bien que vos mováis, pero una opinión personal, nun creo que pesllar les webs seya bueno, en tou casu paezme bien poner una imaxe en toles webs o blogues pa esi día, pero zarralos, paezme que a xenerar l’efectu contrariu. Nun sé qué opináis.
Un saludu
8 de Mayu de 2008 - 2:00 pm
Pos opino que tas equivocáu, hebo bien de reividicaciones n’internet con mui bona acoyida como’l famosu 304day.org. Lo que nun soi a pescaciar ye lo del efeutu contrariu… ¿a que te refieres?
8 de Mayu de 2008 - 4:15 pm
El mio blogue va permanecer zarráu dende les 00.00 hores del vienres 9 a les 00.00 hores del sábadu 10 de mayu.
Sofitando el llamáu a zarrar webs pola oficialidá nel Día Nacional de les Lletres Asturianes.
8 de Mayu de 2008 - 4:16 pm
Home, de toles maneres, nun ye un zarramientu total, pa eso embaxu la imaxe reivinvicativa va un enllaz que t’unvía a la páxina tal cual. Ye un poco como esos banners de los periodicos qu’ocupen tola pantalla y tienes que da-y a una pestañina o un enllaz pa dir a ‘la noticia’. Nun sé.
8 de Mayu de 2008 - 5:21 pm
Contái col YeTube.
Paeznos una bona campaña, la pena ye nun entamala con más tiempu pa da-y abonda más publicidá. Dende’l puntu de vista de la navegación, pal visitante va ser daqué “agresiva” al entamu, pero camentamos que ye una forma de protesta mui cívica, neutral y al tiempu llamadora. Poro, sofitámosla.
Ente toos y toes sumamos miles de visites diaries -en YeTube la mayoría ye xente que busca determinaos videos y que nun ta direutamente rellacionao col “asturianismu”- poro va esparder abondo y nun yera mala idega l’espublizar al otru día una nota de prensa y distribuyila per periódicos y axencies de noticies.
Agora, nós tamos en Nireblog y nun somos quién a facer furrular la redireición… Nun tenemos accesu a una edición de plantía que nos dexe iguar el nin accesu al servidor. Déxennos editar el CSS y delles seiciones del .
Asina que, si daquién que tea en Nireblog nos da una “guía” de como facelo, fairémoslo encantaos.
8 de Mayu de 2008 - 5:24 pm
“Nun tenemos accesu a una edición de plantía que nos dexe iguar el nin accesu al servidor. Déxennos editar el CSS y delles seiciones del .”
-> Nun tenemos accesu a una edición de plantía que nos dexe iguar el HEAD nin accesu al servidor. Déxennos editar el CSS y delles seiciones del BODY.
8 de Mayu de 2008 - 6:30 pm
Sí ye verdá que ye un pocu precipitáu, pero, yo polo menos, veolo como un ensayu pa futures reivindicaciones que podremos coordinanos meyor y preparalo meyor.
Nel casu de nireblog podéis ver como enxertar el códigu en http://wiki.altuxa.com/Zarrando_webs_pola_oficialid%C3%A1#Usuarios_de_Nireblog.com
8 de Mayu de 2008 - 6:59 pm
Munches gracies, funciona. YeTube echa’l piesllu dende les 00:00 hores.
P.D.: Hai un pequeñu error nel códigu de la wiki:
L’archivu tien que ser: oficialida.js
8 de Mayu de 2008 - 7:32 pm
Os Fiyos de Nicer tamén vamos PECHAR.
Desgraciadamente por desconocemento técnico vamos usar usar úa forma alternativa (que de paso tamén vei ser menos agresiva col navegante).
SALUDOS, vémosnos na mani …y OFICIALIDÁ !!!!
8 de Mayu de 2008 - 8:17 pm
Gracies pol avisu Yetube, yá ta iguáu, les prises…
Y Fiyos de Nicer, cualesquier forma ye bona, la protesta queda fecha. La forma de facelu qué más da, lo de los scripts ye pa facilitar la cosa, pero too ye personalizable (por eso tal códigu enteru en descarga). Amás esperemos que pa otres ocasiones, con más tiempu, podamos tener distintes opciones en cuantu a códigos (que pa los que tenemos apache como servidor podemos usar tami´n .htaccess) como a diseños… etc… y paezme que Pingarantes tien bones idees n’esti sen…
9 de Mayu de 2008 - 10:15 am
Sofitando’l vuestru llamáu, Lvx Omnia Vincit, Espeleoastur.as y Xuristes.as “piellen” pola oficialidá nesti Día de les Lletres Asturianes. Un saludu y norabona pola iniciativa!.
9 de Mayu de 2008 - 10:52 am
Yo entereme güei, pero yá toi pesllao tamién
9 de Mayu de 2008 - 2:12 pm
Mira que foi tou mui rápidu, pero somos unos cuantos…
pa la prosima taremos preparaos… 
10 de Mayu de 2008 - 1:34 pm
oooops ,,, acabo lleelo agora. nótres pallabres que nun lo zarre la web pero parezme una inciativa prestosa. Constame que tuvo bastante seguimientu ,,, pa otra vegada si lo anunciais con mas tiempu apuntome