Archivu de la categoría ‘Tornes’

Compártilu 0.3

1 de Xunetu de 2009 por AluminiuM

Ya ta anovau l’añadíu pa WordPress “Compártilu”, versión n’asturianu del conocíu “Share-This“.
Incorpórense dellos sitios sociales como Facebook o Twitter, unu pa facilitar la ḷḷabor de imprentar l’artículu y l’acurtiador de direiciones de páxines Acurties, del que ya vos falaré n’un post n’otra vegada. Podes ver como queda la cosa na imáxen d’arriba.

El nueu Compártilu podes descargalu dende esti enllaz y la instalación ye la típica de los añadíos de WordPress, sicasí vien esplicao n’el “lléame”.
Como siempres aceutense propuestes, comentarios, crítiques y pinchinos de tortieḷḷa si se tercia.
A disfrutalu 😉

Cambeos en Compártelu

9 de Payares de 2008 por AluminiuM

Avisau pol collaciu Dangerous Piper faigo unos cambeos n’el añadíu pa WordPress, que de primeres se ḷḷamara “Compártelo (N’Ast)” ya dempués tornó en “Compártelu”.

Según paréz, nes normes llingüístiques diz que l’imperativu ponse “Compártilu” ya nun ta bien facer les coses mal si puén cambease, polo que arreglo’l nome ya fagoi al añadíu algún arreglín más.

Por exémplu agora ya nun t’avisa de que tiés que autualizálu confundiendolu col orixinal “ShareThis” (esto fíxolo el collaciu Dangerous Piper).

Arreglé tamién l’iconu de MrWong que salía desproporcionáu ya dalguna bobá que agora mesmo nun recuerdo.

Agora pués descargalu dende esti enlláz.

Autualización de “Compártelu”

24 de Xunetu de 2008 por AluminiuM

Buenu, dempués de munchu tiempu col tema del añadíu de WP aparcáu (de verdá que nun pude sacar tiempu) póngo-vos el enlláz a la autualización del mismu.

Comento-vos un par de cosines:

  • l’autor orixinal del añadíu fizo una nueva versión que a mi nun me gusta nada, sobretodo una vez me puse a analizala con detenimientu, polo que preferí coyer la vieya ya autualizalu dende ahí. Esto tien un problema, WordPress va marcátelu comu sin autualizar ya va date el enlláz pa autualizalu automáticamente. Si lo fais, autualices a la versión en ingles de la que te falo, polo que hai que aguantase de momento ya tener curiau nun dai sin querer al enlláz. Espero poder arreglar eso n’el futuru.
  • Otra cosa ye que agora nun se ḷḷama Compártelo N’ast, por conseyu de Jesusito decidí ḷḷamalu cenciellamente:

Compártelu

Espero que me digáis si veis dalgún serviciu de marcaores o web2.0 que vos parezca que falte, ya veis que quité abondo d’ellos.


Zarrar
Mandar Corréu Electrónicu