1. Los derechos d’autor nun se pueden situar per riba de los derechos fundamentales de los ciudadanos, como’l derechu a la privacidá, a la seguridá, a la presunción d’inicencia, la tutela xudicial efectiva ye la llibertá d’expresión.

2. La suspensión de derechos fundamentales ye y debe seguir siendo competencia exclusivo del poder xudicial. Nun se zarra ensin sentencia. Esti anteproyectu, en contra de los establecío nel artículu 20.5 de la Constitución, pon en manes d’un órganu non xudicial -un organismu dependiente del Ministeriu de Cultura-, la potestá d’impedir a los ciudadanos asturianos y españoles l’accesu a cualisquier páxina web.

3. La nueva llexislación creará inseguridá xurídica en tol sector tecnolóxicu asturianu y español, prexudicando una de les poques estayes de desenvolvimientu y futuru de la nuestra economía, obstaculizando la creación d’empreses, introduciendo pilancos a la llibre competencia y relentizando la so proyección internacional.

4. La nueva llexislación propuesta amenaza a los nuevos creadores y obstaculiza la creación cultural. Con Internet y los sucesivos avances tecnolóxicos democratizáronse de forma granible la creación y la emisión de conteníos de tou calter, que yá nun vienen prevalentemente de les industries culturales tradicionales, sinon de multitú de fontes diferentes.

5. Los autores, como tolos trabayadores, tienen derechu a vivir del so trabayu con nueves idegues creatives, modelos de negociu y actividaes asociaes a les sos creaciones. Intentar sustener con cambeos llexislativos una industria obsoleta que nun sabe adaptase a esti nuevu entornu nun ye xusti nin realista. Si’l so modelu de negociu se basaba nel control de les copies de les obres y n’Internet nun ye posible ensin vulneral los derechos fundamentales, deberíen buscar otru modelu.

6. Consideramos que les industries culturales necesiten pa sobrevivir alternatives modernes, eficaces, creibles y asequibles, y que s’adecúen a los nuevos usos sociales, envede de llimitaciones tán desproporcionaes como ineficaces cola fin que dicen perseguir.

7. Internet tien que funcionar de forma llibre y ensin interferencies polítiques agospiaes por sectores que pretenden perpetuar obsoletos modelos de negociu y imposibilitar que’l saber humanu siga llibre.

8. Esiximos que’l Gobiernu garantice por llei la neutralidá de la Rede n’Asturies y n’España, ante cualisquier presión que pueda producise, como marcu pal desenvolvimientu d’una industria sostenible y realista de cara al futuru.

9. Proponemos una verdadera reforma del derechu a la propiedá intelectual orientada a la so finalidá: devolver a la sociedá’l conocimientu, promover el dominiu públicu y llimitar los abusos de les entidaes xestores.

10. En democracia les lleis y les sos modificaciones debe aprebase tres l’oportunu debate públicu y teniendo que consultalo previamente toles partes implicaes. Nun ye de recibu que se faigan cambeos llexislativos qu’afecten a los derechos fundamentales nuna llei non orgániza y que versa sobre otra materia.

NOTA: Esti manifiestu foi redactáu conxuntamente por periodistes, blogueros y internautes, nuna maratoniana sesión durante la tarde-nueche d’ayeri (1 d’avientu). Si tas d’alcuerdu, difúndilu tanto como podias.

Vilu en GyG

Compártilu

Apañu d’una idega de Es Casi Evidente

Compártilu

Ya ta anovau l’añadíu pa WordPress “Compártilu”, versión n’asturianu del conocíu “Share-This“.
Incorpórense dellos sitios sociales como Facebook o Twitter, unu pa facilitar la ḷḷabor de imprentar l’artículu y l’acurtiador de direiciones de páxines Acurties, del que ya vos falaré n’un post n’otra vegada. Podes ver como queda la cosa na imáxen d’arriba.

El nueu Compártilu podes descargalu dende esti enllaz y la instalación ye la típica de los añadíos de WordPress, sicasí vien esplicao n’el “lléame”.
Como siempres aceutense propuestes, comentarios, crítiques y pinchinos de tortieḷḷa si se tercia.
A disfrutalu

Compártilu

Claro que tampoco ye ablucantemente afalladizu, nun soi precisamente un espertu na materia, eso nótase, …pero mira, voi dicibos lo mesmo que parez dicir la xente asturiano a la hora de dir votar: “pa mi ta mui guapo asina”

Compártilu

Agora, a disfrutalu.

Compártilu

Pasando la ponte vi lo verde, vi los montes y les vaques,
vi’l cielu rescamplando fronte a fayes so les mares,
ya no alto los picos, de blancu’l teitu les cabanes.

Nel aniciu del mio viaxe camentaba ya emociones,
sicasí empapizóme, golifando les praderes,
alcontrar nel alma nidiu unes campanes.

Nun ye’l aire d’avientu, nin les moces toes galanes,
nin lo cimero los montes tres les muries de les cases.
Ye sentir que tas nel ḷḷar po’l que lloñe naguabes.

Ye alzar los güeyos, caíndote les ḷḷágrimes,
pa ver, tres la borrina, orbayando nes montañes;
de magar que seliquín notes un ensame nes entrañes.

No cabero la mio vida, cuandu l’álitu me falte;
nel ḷḷugar onde fui guaḥe, al otru llau de la ponte,
ye onde suaño morrer y que m’entarren;
devolve-y ente’l morgazu, a la mio tierra, la mio carne.

Compártilu

Allégome al blogue pa felicita-vos les fiestes de Avientu, ya que tengáis un añu 2009 perbonu.

Bones fiestes collacios!!

Compártilu

Güeyáo en Tapaponga.

Compártilu

Na escuela La Corredoria 1 d’Uviéu de 459 alumnos 404 tán matriculaos en Llingua Asturiana.

Nun ta mal el porcentaxe pa tratase d’un enseñu que nun ta ainda normalizáu, que namás ye outativu y n’el que falten profesores asgalla nes escueles (y siguirán faltando gracies a los nuesos collacios de la Universidá)

Lluéu entá diz algún fartón que l’asturianu nun ye una llingua minorizá y qu’en realidá nun tién demanda social. Tien güevos l’asuntu.

Compártilu

Voi permitime güei recomendavos un blogue na nuesa ḷḷingua que fala de cerveces ya vivencies chigreres.

Si yes tan aficionau a les cervezes comu yo, seguro que te presta. Ḷḷámase Sursum & Corda ya tién un blogroll perguapu, que ya meréz el solu la visita.

Agora si te tayes nun me vayas echar la culpa, yo nun quiero saber na.

Compártilu