Nin sportinguista nin asturianu…
26 01 2010A cualesquier cosa llamen prensa n’esti pais…
El Comercio: “El Ferrari de Alonso ya es rojiblanco”
La Nueva España: “Alonso en rojiblanco”
Qué!: “Fernando Alonso correrá… ¡de rojiblanco!”
Y como dicen qu’una imaxe val más que mil pallabres… ehí va la nuesa…
Alonso ye asturianu. El coche non. Convién puntualizar estes coses pa nun llevar a equívocos. Nengún somos naide pa cuestionar l’asturianidá de los demás.
A ver si deprendemos a pillar les ironíes…
Val que l’asturianidá de caún ye de caún, pero’l bancu non. Mientres toos producimos p’Asturies un migayín de ganancies, esti señor produzles pa Suiza. Pa min que dalguién ta faciendo trampes….
A esti últimu: rétote públicamente a QUE DEMUESTRES qu’esti pilotu nun invirtió nin un euru n’Asturies. Y si nun lo pues demostrar, tas calumniando.
Opinión, relaxate un pocu… que primero tas poniendo en boca d’Adivín Serafín coses que nun dixo… y por favor.. un pocu de sentíu del humor… y nun me negarás que si Alonso vive en Suiza nun ye por les ventaxes fiscales de vivir ellí?
Yo’l sentíu del humor téngolu cuando toi pente xente que nun se guía nesta vida por envidies, y que prefier que cualquier vecín se funda na miseria enantes de velu espolletar. Eso ye Asturies. Eso ye l’asturianismu. Y eso ye la bloguesfera tamién. Ñeros de gafures tiñoses. Toi pertranquilu, pero cuestionar la ciudadanía asturiana de daquién nun lo aceuto, y afirmar lo que nun se sabe d’una persona ye calumniar y en resultancia refúgolo. Seya Alonso, o seya yo, o seya María Santísima. Les zunes, les envidies, les mezquindaes y los integrismos nun son pegollos sobre los que se pueda llevantar nengún país. Hailos que viven n’Asturies defraudando, embarcando, robando, arruinado vides y machucando a los demás. Metéivos con esos. Denunciái ehí. Esi ye’l problema. Non Alonso.
Abluco colos fan boys… nótase que andes muncho polos blogues… y que tienes sentíu del humor… XDDD
Nun tengo qu’adeprender a pillar ironíes, nun teo que me relaxar, nun preciso más sentíu del humor, nun soi nengún fan boy, y si se nota qu’ando muncho polos blogues a lo meyor ye porque tamién soi blogueru. Que da la impresión de que te crees l’Areces de la bloguesfera pol aire de superioridá que te das, nin.
Bono ho nun ye pa ponese asina “opinion”,si visites esti blogue dalguna vegada verás que nun son precisamente xente endiosao nin autoritario.
Sobro’l post,dicir namáu qu’echo de menos n’Alonso ciertos cesto y actitúes pa con Asturies que sí tienen otros deportistes d’élite como,por exemplu,villa.
Ye asturianu,sí,pero munchísimo más desapegáu qu’otros del so “nivel”.
Y pa finar,Puxa l’uviéu :p
Lo de l’Areces de la blogosfera diraslu polo gordu non? XDD
Más bien polo enchipáu. De toles maneres, mientres gobierne l’otru Areces nun hai problema. Y si pierde, como gobernará ún de PP pues tampoco. Pero como dalgún día gobernéis cietu tipu d’asturianistes d’etnia superior y envidia por bandera, como tu o l’adivín d’entantes, dalgunos vamos dir a vivir con Alonso pa Suiza, pero en calidá d’esiliaos. Ye que como tengo sentíu del humor los rebelguinos les bales de los pelotones de fusilamientu danme la risa y llévolo mal. Tranquilín que nun entro más nesti… lo que seya . Feliz esbilla “esti ye asturianu y esti non” . Hasta nunca.
Rediós, como se ponen algunos…
Como pa facer un fake con Juan Ramón Lucas :S
Yo perdiéndome esto. Nun gobierno a naide Opinión. Paezme que tas mui enquivocáu. Yo nun duldo qu’Alonso mercare dalguna botella sidra, pero esta triba xente (Alonso, Monserrat Caballé, …) nun merecen que xente como nós digamos fataes pa defendelos. Esa xente defiéndese solo. Les perres déxenlos nel Olimpo de los ricos, cosa que tú y yo nun lo somos. Yo nun te falte y sigo ensin faltate, tú namái que sabes faltar.