González y González

Anunciaben pa 2008 l’estrenu mundial n’internet d’Italian Spiderman, pero namás que di col trailer de 1964, mientres esperamos pola peli tendremos que conformanos…

Compártelo

Ubuntu Tribe, un garrapiellu de xente enfotada en da-y puxu al euskera al traviés del software llibre ta acabante d’asoleyar el trailer de lo que sedrá ‘Ubuntu Tribe, the movie’, un proyeutu de mediumetraxe col que difundir el so trabayu al empar del usu de llicencies llibres y el llabor n’andecha pala creación y difusión de la cultura y el desendolcu de ferramientes informátiques.

Compártelo

Enllace de descarga

Archive.org, esi sitiu nunca bien ponderáu, ufierta un nuevu serviciu, entá en fase beta, qu’abúltanos de lo más prestoso. Amás d’ufrir la posibilidá de descargar archivos nel dominiu públicu o non suxetos a torgues na so distribución, copia o difusión, tamién ufierta delles películes en streaming en formatu .flv. N’amuesa, déxovos el perprestosu El Gabinete del Doctor Caligari (títulos n’inglés).

Compártelo

Sabréis de la acoyida que tovieron dos clips de la peli El Rei Lleón nos que los diálogos tan doblaos al asturianu. Nun ye la primer vez que se fai daqué asina, amás de la serie El faru d’Illán, qu’emitió Teleasturias, fízose dalgo asemeyao pal décimu aniversariu de Les Noticies con un cachu de La vida de Brian. Pero el casu ye qu’esto ta fechu por dos actores porque sí. Demuestren que con un pocoñín de voluntá, la televisión pública asturiana diba poder facer daqué asturiano, divertíu, averáu y n’asturianu. Ánimo y p’alantre.

Compártelo

Un clip que tien too pa llograr un exércitu de fans. En Bombai tamién-yos da la febre nel sábadu nueche. Paez que ye de la peli Ellam Inba Mayam, de 1981, y ta percorriendo l’internet de la manera. Y nun m’estraña. Ta disponible en DVD pel internet (dende’l Reinu Uníu), en llingua Tamil. La música ye de Ilayaraja, que firma la música de ¡¡893 películes!!. Kamal Hassan ye’l prota. Una cosa: a ver si atopais per dalgún lláu del videu el cartelu de Blancanieves.

Y pa finar esta esbilla n’homenaxe al nuevu amu d’Ensidesa, equí vos dexo esta demostración de creatividá friqui.

Compártelo