González y González

Esti home ye’l ‘profesor’ que firmó la enmienda parcial que la xunta de la faculta de filoloxía de la Universidá d’Uviéu aprebó por una axustada diferencia, lo que llevó a la dimisión de la decana Ana Cano, y que supón que la llingua qu’emplegamos nesti blogue nun merez ser materia d’estudiu al mesmu nivel qu’otres llingües na universidá asturiana, nel marcu qu’ufre el nuevu espaciu europeu d’enseñances universitaries.

La pregunta ye: esti señor, que tantu sabe de perífrasis verbales nel español d’anguañu, ¿hubiere roblao la mesma enmienda si l’asturianu fuere oficial? Non, porque él (ta visto) cuida que lo meyor ye que l’asturianu tenga’l mesmu tratu que tuvieren el vascu, el catalán o el gallegu na universidá franquista, la mesma que munchos de los qu’ayer votaron la so enmienda echen de menos, y cuyu modelu se caltién en bona midida na provincia d’Uviéu.

Ayeri, quienes votaron la enmienda del ‘profesor’ Féix Fernández de Castro, qu’asina se llama, nun fucieron otra qu’apostar por esi modelu que l’Academia Francesa promueve, refugando la reconocencia de les llingües minoritaries non por criterios llingüísticos, nin siquier sociollingüísticos, sinon por meru nacionalismu, el nacionalismu qu’asocia nación y llingua (nun sé si tamién raza), el nacionalismu espansivu y uniformador que tan poco tien que ver con una institución académica.

¿Y el rector Gotor qué, otra vez campeón d’Europa? O ye que cuando-y preguntaron el día anterior y dixo aquello de qu’eso de la titulación propia pal asturianu yera otru cantar… ¿nun sabía lo que se cocía? ¿Yá ye papel moyáu lo que firmó? Paezme qu’esti home mancha, cuidadín con arimase.

Por cierto, Ana Cano, twelve points

Compártilu

Perdonái esti frikismu que mos dió, pero entre la prestosa campaña del CAO y que Techno Viking foi escoyíu pal Asturian Weird de les Artes 2008 nun pudimos evitalu… anda que taría bien tener un Techno Viking nes manis… ¿naide s’anima?…Please enable Javascript and Flash to view this Flash video.

Compártilu

Compártilu

Please enable Javascript and Flash to view this Flash video.

Compártilu

En http://wiki.altuxa.com/WordPress#Doi_la_cara ta el plugin p’amosar les semeyes de Doi la cara pola Oficialidá colgaes en Flickr. Les descargues y instrucciones tan nel enllaz anterior, y podeis ver el resultao a mandrecha.

Probelu en Firefox, Konqueror, Epiphany, Opera, Camino y Safari ensin problemes. Nun tengo Winbug$, polo tanto nun tengo Explorer, y seguramente que rederice mal pa variar. Si alguien quier facer un hack pa igualo agradeciría que avise pa actualizalo.

Compártilu

Nos tamién damos la cara… y yá tamos probando’l plugin de WordPress p’amosar les últimes semeyes de la iniciativa en Flickr nun widget na barra llateral (podéis velo n’usu a mandrecha). En unes hores asoleyaremos el códigu…

Compártilu

Esti videu ye como una pastiella de paroxetina. Anima. Dacuando dame por pensar que tamos llocos, que los del bable somos una banda d’alloriaos a los que mos dió la llocura y vivimos nun mundu de fantasía, ayenos a la rialidá del mundu. Va tiempu dixe que quixera ser sociata, vivir tranquilu, a gustu d’habeme conocío y de tener un presidente incoherente llamáu Vicente, que ora se manifiesta pola llingua, ora l’arrequexa a un gueto por mieu a nun controlar lo que se mueve al rodiu d’ella.

Pero non. Videos como esti amuesen que n’Asturies hai una anormalidá manifiesta, hai un conflictu nidiu y hai una sociedá civil de la que formo/amos parte y qu’espatuxa, anque seya a escures y tapecida (como dicía aquel), con tola dignidá y los pasos en falso que ye capaz.

Please enable Javascript and Flash to view this Flash video.

Tuvi nel conciertu pola oficialidá el vienres, y hebo xente abondo. Pero ya cuntaronme lluéu que lo del sábadu foi la de dios. Nun tuvi dulda, pero velu nun videu col soniquete del ‘Indios’ de Dixebra ye otra cosa. Esti ‘evento’, con ¿cuatro mil? ¿cinco mil? persones blincando depués de pagar diez euros, namás tuvo repercusión ente esa Asturies alloriada. Si envede la Xunta pola fuere un conciertu de David Bisbal, ¿hubiere tenío namás como reflexu una fotonoticia nuna esquina d’una páxina na Nueva España?

Compártilu

Como ayeri nun pude dir a la mani de la Xunta por motivos llaborales, púnxeme güei a informame de cómo foi la cosa. Y paez qu’enteréme yo tanto como los periodistes que teníen qu’informar del actu. Asina, podemos dicir que ‘Ente cincuenta persones y varios miles manifestáronse ayeri pola oficialidá’.

La tema del cálculu de participantes nes manifes cuantayá que ye una comedia. Pero nesti casu llegamos a lo paranormal. ¿Cómo ye posible esa diferencia? ¿Hebo abducciones ente medies de la manifa? ¿Acasu cientos de persones taben na mani, pero d’incógnitu?

Lo que ta claro ye que quien acertó colos preseos manifesteros foron los de Suatea. Nada de petos pola oficialidá, lo que se lleva nes manis ye’l paragües. (Semeya vía Asturnews)

Compártilu

Compártilu

Mediu centenar de bicis per Xixón. La lluvia aguantó hasta qu’aportamos de vuelta a la plaza l’Ayuntamientu. Tuvo bien, habría que lo repetir.

Enriba, la cabeza del pelotón llinguateru momentos antes del inicio de la marcha: de la estatua de Pelayo al gloriosu estadiu de El Molinón. Y vuelta pel muru San Llorienzu.

(Fotos feches col móvil. Perdón pola calidá).

Compártilu