A la fin, un periodista fizo por llevá-y el madreñazu de la Xunta Pola a Fernando Lastra a una rueda de prensa. Pero tampocu foi quien a entrega-ylu. De fechu, Lastra ta enfotao en superase a sí mesmu pa’l añu qu’entra, y tamos seguros de que lo va consiguir. Pa ver les imáxenes de la frustrada entrega del madreñazu, calca no que sigue.
Los seguidores de la serie Family Guy, podrán comprobar el parecíu de Peter Griffin con Tini Areces: un gordu enfrentáu a una pita…
Güei dibemos escribir una entrada poniendo a parir a los trés tontinos qu’entraron al despachu de F. F. de C. a toca-y los coyoninos. Díbemos preguntanos qué ye lo que pretendíen, que si queríen dir de gallos, que si ye que vieron Los Soprano la nueche anterior o qué. Díbemos dexar pa prau comentar la cobertura informativa d’esta trastada de guaḥucos, que ye lo que ye, y díbemos ponenos nel llugar del propiu F. F. de C., entendiendo que la visita d’estos nenos acabara por hincha-y les gorxes.
Pero va el menda y se descuelga con unes declaraciones nel diariu El Comercio qu’acaben por descomponenos dafechu. Fala d’ataques ‘asturtzales propios del entorno etarra’, y queda tan anchu. Fála de “métodos” propios “del terrorismo etarra”, como “colgar en Internet la foto del enemigo”. Y ehí ya l’alucine algama máximos histéricos.
Como esti ye ún de los blogues que tien la so semeya sacada de la so propia web personal nel servidor Uniovi, sentímonos dafechu insultaos. Personalmente, soportamos meyor que nos llamen fíos de puta per corréu a que nos venceyen a la puxarra etarra y batasuna.
Una de dos, o nun tien nin idea de lo que ye l’entornu etarra y los sos ‘métodos’, lo que ye recibir amenaces, o sí lo sabe, y aprovecha la connivencia mediática pa criminalizar un movimientu cívicu al que nun se-y pue atribuyir nin una triste barricada. Porque ye cívicu, porque pide una reforma llegal, non un cambeu de réxime.
Va poco ficimos una ‘rectificación’ de broma, pretendidamente irónica pol llamáu de dellos profesores a nun atacar a F. F. de C. Equí entendímoslo como ún inocente llamáu a nun opinar, que ye lo que quiximos facer dende un primer momentu. Pero vemos que non, que pecamos d’inocentes y que lo que se nos taba diciendo yera que cuidadín, que tolo que digáis o faigáis va ser utilizáu pa desacreditar al movimientu de reivindicación llingüística colos peores argumentos.
Y nós creyéndonos xente normal, democrático, parte de la sociedá… llibres pa opinar sobre una decisión qu’algama gran trescendencia pública y que foi promovida por un señor con nome y apellíos, non por un home al qu’haya que referise poles sos iniciales, como si d’un presuntu delincuente se tratara.
Please enable Javascript and Flash to view this Flash video.
Sigo caciplando col cinelerra… agora yá sé que pa otra tengo que poner los subtítulos más grandes.
Please enable Javascript and Flash to view this Flash video.
Una rempuesta rápida a la propuesta que mos fizo VeritasEt Serveritas…
Please enable Javascript and Flash to view this Flash video.
 |
 |
 |
| Más semeyes |
N'otros blogs...
Comentarios (RSS).
