González y González

Por barrapunto enterámonos de la noticia nel blogue Carlosues, l’Axencia Tributariala investiga a la SGAE por posible fraude fiscal y defraudación a socios “non residentes”.

Lo que nun soi a pescanciar tovía ye como dende esta entidá s’atreven a danos lleiciones morales y a insultanos a los que usamos redes p2p llamandonos pirates… amás ye que en frikipedia falten al honor d’estos “señores”…

Por supuestu… ZP… “son de los tuyos”…

Compártelo

La hipocresía que tamos padeciendo cola mal nomada piratería acaba reflexando quién ye el verdaderu pirata. Y ye que cola llei na manu el simple fechu d’usar la mula pa baxar música o películes ye completamente llegal, ye un de los supuestos del famosu “derechu de copia privada”, ya que nun hai ánimu de llucru (naide saca perres por compartir los ficheros), derechu creáu pelos 80 (cuando les cintes de casete) pa dar soporte llegal a una situación normalizada na sociedá d’entos y vixente anguañu cola diferencia de que ye entá más fácil compartir música gracies a internet y les tecnoloxíes p2p. Un derechu fechu pa respetar el “derechu d’accesu a la cultura” recoyíu na carta de los Derechos Humanos.

Entos como ye que denuncien a los negros que van vendiendo discos de Bisbal pela cai, pos porque eso si ye illegal ya que hai un ánimu de llucru, como nel casu de la discográfica EMI que punxo a la venta en delles webs de la so propieda ficheros cola música de King Crimson depués de romper el contratu y ensin que hubiere consentimientu previu.

Ta claro que tanto les discográfiques como les entidaes de xestión, sindicatos verticales qu’aconceyen autores y editores o lo que ye lo mismu trabayadores y patronal, van tomalu como un pequeñu error ensin importancia.

Y ye que un ya empieza a tar fartucu de les mentires manipuladores de la industria del entrenimientu (a la que quieren nomar de la cultura) y del seguidismu que-y faen los políticos… ¡Too pola pasta!

Compártelo

O eso ye lo que según determinaes entidaes de xestión, busca Bruces Springsteen al colgar n’internet el so discu nuevu en MP3. Haz unes selmanes salió la noticia de que ponía en descarga el primer single de “Magic” y güei fae lo mesmu col discu completu. Según el propiu bruce ye una forma de promocionar el so discu y los conciertos, que tan a la venta tamién n’internet.

El fechu de que seya precisamente Bruce Springsteen y non otros los músicos que faen este tipu de coses ye bien significativu. Bruce Springsteen ye quiciabes un músicu con tal reconocimientu y exitu que puede decidir que facer cola so música sin que nin siquiera les grandes multinacionales (que viven del so trabayu) puedan negase a colgar el discu na rede. Con esto lo que quiero decir ye que anguaño los músicos son los que tan amarraos por discográfiques y entidaes de xestión (que nun son más que un sindicatu vertical onde hai patronos y trabayadores) tan amarraos porque ellos tienen la pasta y el poder, pero claro Bruce puede decir, pos marcho pa con otra compañia… Entos ¿quienes son los malos de la película? ¿quienes son los que acaben cola música zarrando festivales y llocales con direutos?

Que naide s’engañe, cada vez la xente merca más música (los propios datos de la $GAE lo dicen). Cuando zarren tiendes de discos dicen que ye por culpa de les descargues d’internet, pero yo entá nun fui capaz a baxame del emule medio kilu de picadillo y les carniceries de barriu tamien zarren, igual tien más culpa “Carrefull” que internet.

Amás que polo xeneral cuando daquién siente dalgún discu que-y presta va dir a buscalo, falo de xente a la que-y presta la música, por supuestu que nun voi mercar el Ibiza Mix, pero si que me presta garrar una caxina con semeyes y un diseñu trabayau, tener la referencia física d’un soníu que me diz algo.

Compártelo

Ubuntu Tribe, un garrapiellu de xente enfotada en da-y puxu al euskera al traviés del software llibre ta acabante d’asoleyar el trailer de lo que sedrá ‘Ubuntu Tribe, the movie’, un proyeutu de mediumetraxe col que difundir el so trabayu al empar del usu de llicencies llibres y el llabor n’andecha pala creación y difusión de la cultura y el desendolcu de ferramientes informátiques.

Compártelo

Lleo güei en Barrapunto: “Las licencias “sólo para uso no comercial” no son libres, ¡no las uses!“, el desafortunáu titular ye consecuencia del desconocimientu y facilidá cola que determinaes persones usen les pallabres que titulen esti post. Son munchos los “alternaguais”, que quedense namás col impactu de dicir Copyleft ensin parase a mirar realmente el significáu y lo que’l so usu implica. Güei dende la estaya pedagoxica de González y González trataremos d’aclarar un pocu les coses…

Lleer más »

Compártelo

Alaska siempre foi clara encuantes a les grandes mentires de la industria discográfica y de les entidaes que xestionen los drechos d’autor pa facer negociu d’ello esin que repercuta nel propiu autor.

Nuna entrevista en TV Mallorca cuando-y pregunten alrodiu de la “crisis de la industria” diz coses como: “no es la crisis ni de los músicos ni de la música”, “música va a seguir habiendo”, “afecta a los artistas en que tendremos que distribuir la música de otra forma. ¿En qué afecta a los fabricantes de discos? En que desaparecerán, pero yo no soy fabricante de discos, no es mi problema. Así que el que tenga un problema que busque soluciones”, “estas redes de difusión actuales lo único que hacen es difundir más mi música, hacer que llegue a gente a la que nunca le llegaría y creo que de cinco años para acá en España se vive un momento de oro en cuanto a conciertos”.

Nun tien desperdiciu… (a partir del minutu 04:00)

Compártelo

Salen nel Mundo unes declaraciones d’un sociu de la SGAE, qu’amás foi representante de la mesma en Lleón, nes que fala de como ye la situción na entidá dende dientru. Peme que ya nun ye cosa de “pendexos electrónicos” sino de los que tan dientru…

Vos dejo un cortu…

Compártelo

Nun fai dos meses que vos animaba a “descagar esta canción” con McLars, pero güei recapacité al ver esti videu: “Nun descargues esta canción”

Compártelo

Primeru montaron la de coyer los que carretaben xelu de casa en casa encuantes salieron les primeres neveres, llueu los que vendién música en caxes de plásticu encelofáu cuando apaez internet… y agora los fabricantes de bolses d’aspiradores…

Y de pasu un videu de un raperu que paez tener claro que’l sistema cambeu hai tiempu… otros nieguen lo evidente… Esto si que ye rap transgresor y no lo d’Eminem.

Si vos prestó el videu: MC Lars

Compártelo