Ente 50 persones y dellos miles…
10 05 2008Como ayeri nun pude dir a la mani de la Xunta por motivos llaborales, púnxeme güei a informame de cómo foi la cosa. Y paez qu’enteréme yo tanto como los periodistes que teníen qu’informar del actu. Asina, podemos dicir que ‘Ente cincuenta persones y varios miles manifestáronse ayeri pola oficialidá’.
La tema del cálculu de participantes nes manifes cuantayá que ye una comedia. Pero nesti casu llegamos a lo paranormal. ¿Cómo ye posible esa diferencia? ¿Hebo abducciones ente medies de la manifa? ¿Acasu cientos de persones taben na mani, pero d’incógnitu?
Lo que ta claro ye que quien acertó colos preseos manifesteros foron los de Suatea. Nada de petos pola oficialidá, lo que se lleva nes manis ye’l paragües. (Semeya vía Asturnews)
La pena y que yeremos quinientos
Pa mi que yeremos dalgún más. El aforu del campoamor vien a ser de 1500 persones, había xente abondo menos nel gallineru.
( Mandaime un mail que cuentovos lo de la campaña del cao de yo doi la cara pola oficialidá ).
Yeramos xente, otra cosa ye que nun interesa dar cifres riales a unos, mientres otros les inflen pol interes tamién. Un saludu.