Comentarios en: Ética periodística 2 (Tini maqueta periódicos)

Por: Dangerous Piper

Dangerous Piper — Wed, 28 Nov 2007 11:05:18 +0000

Pos nun toi del too d’acuerdu colo que dices (pingarates) nun creo que la solución te nel asturianismu políticu sinon nel social. Creo que no que habría que trabayar ye n’esplicar bien y facer que llegue bien esi mensaxe a la xente ayena al asturianismu políticu, ye esa la que al final va tener que pedir la oficialidá, porque (anque manque) formen la mayor parte de la sociedá asturiana. Y mientras sigamos zarraos en los nuesos grupinos endogámicos asturianistes deciendo lo borrega que ye la xente por votar al PSOE nun vamos conseguir nada. Lo que hai que facer ye que’l prexubiláu de la mina afiliáu al SOMA y al PSOE entienda porque queremos protexer la llingua que el tamién fala. Da-y a entender que ye un patrimoniu un orgullu quiciabes el mayor de ser asturianu, y non un sintoma de ser un ignorante (munchos tovía lo ve asina), consiguiendo esto, conseguiremos la oficialidá.
Pa ponete un exemplu, conozo xente que ta a favor de la oficialidá (ye apolíticu) y nun sabe lo que ye’l CAO, esto que ye que hai que buscar les iniciatives que hai pa defender l’asturianu. Y esto nun puede ser…
Esto ye una mera opinión y por supuestu peme que la llabor que tan llevando dende el CAO y más concretamente dende la Xunta pola… ye pa agradecer.

Por: Vity

Vity — Tue, 27 Nov 2007 18:25:57 +0000

http://www.racocatala.cat/articles/15471

http://www.llibertat.cat/content/view/1707/29/

http://www.radiocatalunya.ca/noticia/4581/

3 medios de comunicación catalanos más que se fixeron ecu de la noticia.

Por: pingarates

pingarates — Tue, 27 Nov 2007 02:25:17 +0000

la pegatina na papelera, les sábanes nes muries y les procesiones pela cai uría, … ente otres munches coses.

Hai quien sigue viviendo nos años 70 pensando que les mases populares van tomar los palacios d’iviernu.

Les polítiques de comunicación fallen porque nun tan profesionalizaes, sigue pensándose nel voluntarismu de la xente y asina nun vamos a nengún llau. Hai quien sigue enfotáu en salir de procesión añu tres d’añu cuando les decisiones tómense nel planu políticu, mientres l’asturianismu nun pinte un res nel ámbitu políticu la situación nun va cambiar. Eso sí, podemos ser toos mui guais, mui militantes, pegar munchos cartelos y dir andando a Uvieo pa tomar unes de sidra y al día siguiente enfadanos pol tratu de la prensa.

[mode siegluXXI: on]

Por: Jesusito

Jesusito — Mon, 26 Nov 2007 23:54:03 +0000

Traya: sí ho… la vergoña ye nel primer momentu, pasa llueu. Pa la próxima ya será d’otra manera. Y gracies pola crónica
Ayalgueru: ye que lo del márketing paezme básicu. Téngolo comentáu con mucha xente que ye muncho más activa que yo en too esto, y que tien más motivos pa falar porque se lo tien currao… y la conclusión ye clara: la pegatina nes papeleres cuantayá que ta superada.

Por: ayalgueru

ayalgueru — Mon, 26 Nov 2007 21:29:59 +0000

Un post muy interesante. Suscribo los tos comentarios sobre too lo de “Fain falta propagandistes capaces de contrarrestar el mensaxe de la imposición, con consignes comparables, y con estratexes de marketing afayadices. Ensin eso… muncho nos va costar.”

De toes formes el nivel del periodismu asturianu ya pateticu en xeneral

Por: TrayasgayA

TrayasgayA — Mon, 26 Nov 2007 18:39:45 +0000

Les marches pa práu, cagun mi manto cola pinga que pillamos y los dolores que teo entá…
Ye lo qu’hai, cada añu vémoslo y nun se aparen a disimulalo ni un res. Ye de vergoña pero quien tien la información tien el poder. Siempre nos quedarán los blogs ;-). Por ciertu, norabona pol analís y la comparación que ficiste de toles noticies.

Lo que se faló nel segundu chigre del alcuentru valió pa conocenos un puquiñín más ente nós, dalguna discusión sobre nomenclatura (blog, blogue, bloge, otra pallabra n’ast ya esistente que se puede adaptar…), sobre’l .ast, sobre facer la xunta de blogues en llingua asturiana ensin dase d’alta como asociación por que ye un fregao, sobre la llingua en xeneral, sobre dalgun, proyeutu de futuru, sobre ximielgame.net, de dalguna cosiquina que de xuru se me escapa, y de la cita d’abril que’l pingarateru ya tien casi finiquitá. Lo bono foi que sentámonos nuna mesa toos viéndonos les cares y toos y toes falaron pal grupu enteru, non como en los lagos que al tar de pie falábamos de tres en tres y casique nun llegamos a conocenos toos. Por eso me paeció bona idega lo de cambiar de chigre. En verdá foi una pena nun tar más xente.

Ye verdá lo que dices de la vergoña. Paezme que ya habíamos falao del frikismu de la situación. Al final ya yeramos collacios tomando una cacipla, aunque nos llamáramos trasgu, la esfoyaza o el chamicu. De xuru que n’Abril la cosa dará menos vergoña. Un saludu.