ALSA autobuses da un premiu a un home que consiguió coneutase a la wifi .

Ser quien a abrir la páxina de Google «foi mui emocionante»—declaró

alsa

La empresa ALSA, fizo entrega d’un prémiu en metálicu de 10.000€ a un home que nel trayeutu Bañugues – Lluanco foi quien a abrir la páxina de Google durante 6 segundos. L’home, emocionáu, fizo una captura de pantalla y enseñó-yla al conductor, qu’ente llárimes procedió a llamar darréu a la central de la empresa.

A la llegada del coche llinia a Lluanco yá taben esperándolu con una Banda Gaites y el cheque por valir de 10.000€.

En declaraciones a esti periódicu, el home manifestó que fuera mui emocionante ver abrise la páxina de Google. Amestando que “sabía que yera difícil, pero parte del premiu va invertilu en billetes del ALSA pa ver si yera quien a repetilo, el xubidón d’adrenalina de ver la páxina abierta, paga la pena”

 

 

 

Quiciabes te preste tamién...