L’APLICACIÓN MISPICADEROS.NET INCLÚI LES SEDES DE VOX YA UPyD.

Nunos díes decidirán si tamién axunten la de Foro

apps

El CEO de la importante aplicación mispicaderos.net púnxose en contautu cola redaición d’esti periódicu p’avisanos que van facer una importante anuncia nos siguientes díes.
Col eslogan: “si quies calcar con dalguién, lo meyor ye dir a la gueta d’un escampáu, una panera o cualesquier sede de VOX ya UPyD”.
L’aplicación, famosa por asoleyar llugares aislaos onde poder desfogase col refresquín axunta les sedes de Vox ya UPyD poles sos condiciones perfeutes pa la intimidá ya que casi nun les usa naide.
Pa la nueva imaxe corporativa tan baraxando delles opciones, como sacar a Ignaciu Prendes con unes madreñes naranxes col culu al aire calcando con Rosa Díez mirando pa Cualloto, o a dalguién de VOX picando na puerte de Foro. La opción de VOX ta descartada por mor que nun atoparon nengún afiliáu.
Declaraciones a esti mediu de la ma del cabezaleru d’UPyD (el chavalín nun se quiso poner porque ta deprimiu na so habitación) afirmen que ye un bon usu pa les sedes del partíu ya que otramiente la opción ye la escavadora del VIPASA. Nun atopamos el teléfonu de VOX Asturies pa poder saber la so opinión.

Quiciabes te preste tamién...