XUAN BELLO PIÉRDESE INTENTANDO LLEGAR A PANICEIROS

DIBA COLA AYUDA D’UN MAPAMUNDI.

xuan bello

   Fontes del 112 declaren tener topao na tarde d’ayeri al conocíu escritor Xuan Bello al debalu, per una caleya de Tinéu (norte). Les mesmes fontes aseguren que lu toparon con síntomes de güelpe de calor ya inquietú existencial.
Al paecer l’escritor intentó llegar hasta’l so pueblu “natal” de Paniceiros cola ayuda d’un mapamundi que mercó nuna feria del llibru portuguesa cuando siguía los pasos de Fernando Pessoa.

   L’intentu de travesía centruoccidental prodúxose depués de dar un paséu pel mercáu de L’Ascensión, echar una calada a un cigarru yá somnolientu y mirar al horizonte con daqué pesadez, tal y como relaten los biógrafos del llugar.
Según declaraciones del escritor al entruga-y La Foz: “la dulda existencial que me furó en cada cruce de carreteres fízome cuestioname’l mio camin que n’ocasiones lleva implicitu les mios contradicciones a la hora d’escoyer la meyor ruta na vida”.
Polo visto, la situación complicóse cuando-y entrugó un autoestopista de la zona a ónde diba y d’ónde yera: “yo la verdá ye que nun sé qué me barulló de que si yera de nun se que mundu que s’espeyaba en nun se que pueblu y darréu púnxose a contame traumes de la infancia. Nun sé, yo marché corriendo por si acasu. De la que marchaba invitóme a la so casa pa nun sé qué entrevista de televisión, eso sí”.
Como consecuencia del sucesu asoleyarasé una triloxía na que contará les sos reflexones sobre’l viaxe y posterior rescate.

Quiciabes te preste tamién...

Leave a Reply

Your email address will not be published. Required fields are marked *

*