Los putos bablistes atribúinse’l NON del Referéndum de Grecia

“Tamos tan avezaos a que nos digan que NON a too qu’apegámos-yoslo a los griegos, de xuro”. 
Oxi-day
Xosé Xabel Xicu Xuán, representante de les asociaciones de bablistes d’Asturies (de la que formen parte él, so ma y’l so perru), llamó a esti periódicu, y tres 10 min de conversación en plan:
– Hola, ¿La Foz d’Asturies? Soi Xosé Xabel Xicu Xuán, representante de les asociaciones de bablistes d’Asturies.
– ¿Quién ho?
– Xosé Xabel Xicu Xuán, representante de les asociaciones de bablistes d’Asturies.
– ¿Asociación de qué, ho?
– Bablistes. ¿Vosotros tenéis subvenciones?
– Non
– Pues nós sí, babayu.
Díxonos que’l resultáu na votación del Referéndum en Grecia escontra de les polítiques d’austeridá d’Europa ye por mor d’ellos. Tres varies rises, detalles y cuadros neoimpresionistes na paré dempués d’espulsar el café al oyelu, punxímonos serios por si había conexones populistes y terroristes entre peligrosos asturtxales asturianos y la esquierda griega, y dexámoslu que s’esplicara.
“Tamos avezaos a dir a cualesquier lláu, entrugar pol papelín obligatoriu que l’alministración tien que facer n’asturianu y que nos digan que nun lo tienen. Non ye la rempuesta del funcionariu de turnu. Non pa empadroname. Non pa los cartelos n’asturianu. Non p’almitir escritos na nuesa llingua. Non pa casate o morrer n’asturianu. Asina que la única esplicación posible al NON del pueblu griegu ye que son asturtxales”.

Quiciabes te preste tamién...