Xabel el Mudu, elexíu Presidente de la so Comunidá… de vecinos.

“Vivo cola muyer nun chalé de Somió de 300000€.

Si soi capaz de ser Presidente na mio casa, puedo selo d’Asturies”
mudu

En viendo qu’el coletes asturianu nun da’l so brazu a torcer pa baxase los pantalones, perdón, pautar col verdaderu socialismu d’Asturies, Xabel el Mudu dio un golpe nel atril y fizo unes declaraciones.

“L’otru día llevantame la cama enfocicáu, baxé los 4 pisos del mio chalé (n’ascensor Thyssen, por supuestu), pidii al mio mayordomu Llamazares que me fixera un zusmiu y punseme seriu pa falar cola muyer. Dixii: “mira cariñito, esto le puede seguir asín, como no me le dejes ser el que manda en esta casita no voy a poder enfrentarme al perroflauta ése que huele como cuando vivíamos en Mieres”. Asina, seriu, como un paisanu. Y ella díxome que sí, dalgo barruntó de garrame la VISA ORU, pero distrayime porque’l mayordomu Llamazares entamaba abrillantar los suelos de rodiyes y taba faciéndolo mal.”

“Asina, qu’agora, n’estos términos, Xabel el Mudu, perdón, Javier Fernández, ta preparáu pa ser el Presidente d’Asturies, un presidente apegáu a la realidá, colos que más sufren, colos necesitaos, cola xente del pueblu, incluso con esos cabrones que falen aldeano.

Nel fondu la sala, sientese un barbuyu: “Presidente de la so casa, sí polos coyones”. Volvimos la cabeza pa onde vino la voz y vimos a la muyer de Xabel el Mudu garrando del brazu a Cherines y a la Coto tirando pal Corte Inglés cola Visa.

Quiciabes te preste tamién...