El Ayuntamiento de Zevilla va celebrar en payares La Feria de l’Ablana de Piloña.

Habrá, ablaneres, asturcones, Descensu del Piloña y Tritones.

Llacín

El Llacín tocará na capital hispalense

 

L’ayuntamientu de Zevilla, que se declara eternamente agradecíu pol trabayu de los conceyales de Piloña y del conceyu enteru en pro de la cultura d’Al Andalus, decidió ayeri nel Plenu, celebrar nel mes de payares la Primer Feria de l’Ablana de Piloña.
La votación de la moción aprobóse por unanimidá, y al acabar la votación sintiéronse Ixuxús, Puxes a Asturies y voladores. N’acabando col pleu, brindaron con Sidra El Gaiteru, pero les botelles llevaben una pegatina, enriba de la pallabra VILLAVICIOSA, de Yá, yá, yá OFICIALIDÁ, de la Xunta Pola, por si pudieren incurrir en dalguna illegalidá manifiesta.
Aseguraron que na Feria de l’Ablana, correrá la sidra, el quesu de Cabrales y Gamonéu y procurarán asistir toos col paxellu tradicional asturianu. Tamién manifestaron, que dientro de les posibilidaes económiques del so conceyu, habría música folk, pareyes de gaiteros y tamboriteros, tonada, y bandes de gaites.

Entre los organizadores, tán intentando que seya l’expresidente Tini Areces, gran defensor de les tradiciones asturianes, el que corte la cinta’l día de la inauguración. La so intención ye facer una tortiella de 20.000 raciones y repartir entre’l públicu, pero’l xefe de protocolu del Senáu Español, alvirtiólos que con esa tortiella Areces queda con fame seguru.

 

 

 

 

Quiciabes te preste tamién...