Margallo diz n’EEXX qu’Asturies ye España y lo demás tierra conquistao.

jose-manuel-garcia-margallo_1

El ministru, barruntando que l’Espíritu Santu-y pueda mandar dalguna señal pa refacer l’Imperiu Eḥpañol, pa que nun se ponga’l sol.

Jose Manuel García Margallo, Ministru d’Asuntos Esteriores d’España, osea, de tolo que nun seya mesetariu, diz nos EEXX d’América: “Somos probablemente la nación más antigua de la Tierra. Nacimos en 1469, antes de que se descubriera América”.

Y quedó tan panchu. Andreas Schleicher, responsable de los Informes PISA, dempués de lleer barbaridá tala, y de dase cuatro cabezazos cola paré, unvió un comunicáu a la prensa col siguiente testu: “Ya entendemos por qué sal nel informe PISA que los guaḥes d’España tán como burros”.

Cunten que Gustavu Buenu, nel asilu onde ta recluyçiu, al oyilu entró n’éstasis pola vía unitiva col sacro santorum de la patria española. L’ABC publicó una semeya de Gustavín llevitando desnudu col garrote empalmáu glayando “Yo soi ejjpañó, ejjjpañó, ejjjpañó”. Posterioramente, yá vistíu y desfogáu, dixo qu’el Ministru nun tenía ni puta idea, qu’España entamó cola Batalla de Cuadonga y que Pelayu enarbolió (tuvimos que dir a buscar al diccionariu esi pallabru, qué queréis, nós somos fios de la xeneración de Margallo) la bandera d’España. A la entruga de por qué nun llamó al Reinu d’España envede d’Asturies españó sacando otra vegada’l garrote  (qué paisanu, qué puxanza) llamando a los periodistes del ABC (nun vos riir que lo de periodistes nun ye de chancia) asturtxales y roxos de mierda.

Quiciabes te preste tamién...

Leave a Reply

Your email address will not be published. Required fields are marked *

*