El gaiteru de Spanta la xente nun da un discursu demagóxicu nun conciertu y el públicu marcha pa’l chigre.

Spanta

El grupu l.lenizu Spanta la Xente conocíu nacionalmente polo que dicen que foi la banda sonora del movimiento mineru de fai cuatro años, sorprende nel últimu conciertu.
Ye un grupu de moda, nel escenariu son más que los que cantaron en Belén, cantan, bail.lan y el gaiteru da mítines sobre l’escenariu, o a eso nos tenía avezaos.
La sospresa yera tremenda, cinco canciones y el públicu entovía nun sintiera un discursu de tres cuartos d’hora por parte d’esti mozu. La xente qu’ellí taba nun daba créditu, podíen oyese comentarios como “¿A esti que-y pasa? ¿Comió-y la l.lingua un raposu?” cuando dempués de tocar de cinco maneres diferentes el cantar que los fizo famosos “Dies de Barricá” una minoría de xente indignao pola falta del mitin demagóxicu neutral de Saúl, decidió marchar y entamar el so propiu círculu de mítines nel chigre.
La demás xente quedó encantada y con ganes de más, Adelina, fanática del grupu cuéntanos qu’a ella presta-y muncho más asina, que si non paez que se-y fai mui pesáu’l conciertu.
Nun tenemos declaraciones de Saúl, y nun sabemos si ye que taba afónicu o que se-y escaeció’l mitin de siempre y nun-y apetecía facer unu nuevu.
Siguiremos (des) informando.

Quiciabes te preste tamién...

Leave a Reply

Your email address will not be published. Required fields are marked *

*