¡100 Artículos en Tapaponga!
¡100 Entraes! Namás y na menos 
¡Milenta gracies por lleenos! 
Qué a vegaes parez que tamos más sólos que la una, pero ehí dexes un comentariu que demuestra qu’hai dalguién al otru llau
Ensín ser adictos a ’causes perdíes’ (Tamos convencíos de que l’asturianu tien de ser oficial, y GNU/Linux tien milenta ventaxes pa nos), demostramos que l’asturianu nun ta reñíu coles nueves tecnoloxíes, echando un gabitín a mantenelu vivu y actualizáu nestes nueves dómines
Nesti tiempu seguimos sorprendiendonos de la estabilidá y seguridá d’Ubuntu 
Cayendosenos la baba al velu n’asturianu, y cola configuración del tecláu pal nuestro idioma.
Un sentimientu d’almiración y allegría, ver como la comunidá collabora nel sistema ya programes, tornándolos, implementándolos, meyorándolos,… trabayando dende la llingüa por un oxetivu universal y llocal a la vez. Esto ensín dulda ye impresionante
Y esti Ubuntín de nos, que cuanto más se afonda n’el, más máxicu y atrayente parez. Too ye estudiable, camudable, meyorable… Too tien un por qué y una esplicación
Pa finar, un aplauso a tí, que nos llees. ¡¡¡Gracies pol to puxu!!!
Firmau: Equipu de Tapaponga
29 de Agostu, 2008 - 20:35
Gracies a vosotros por enseñanos esti mundiu nuevu y por facer esos tutoriales que tanto sirven pa los que mos cuesta un pocoñin.
29 de Agostu, 2008 - 21:26
Norabuena hooo!
Cagonros, nun son namás que los primeros 100 de munchos miles.
Ye todo empezar, como’l rascase, que empieces por una esquinina y acabes en carne viva. xD
A esti sitiu, comu a softastur, debe-y muncho la comunidá. Gracies por tar ahí.
Puxa!!
29 de Agostu, 2008 - 21:56
Norabona tamién, vais medrando poquín a poquín…invítovos a pasavos pol mín blogue. Meiu n’ast, meiu n’es…
30 de Agostu, 2008 - 08:12
Munches, munches gracies a vosotros por tar ehi, y faer trabayu pa toos nos
30 de Agostu, 2008 - 09:41
Gracies polos comentarios
Animais a siguir trabayando con más ganes tovía 
Mui bono el blog Frankzalekz
¡Un saludu!
30 de Agostu, 2008 - 23:18
Norabona, a seguir. Un saludu
31 de Agostu, 2008 - 21:37
gracies por enllenar esti vacíu na blogosfera n’asturianu y na rede n’asturianu en xeneral!