¡Llibertá!
Con unes botellines enrriba, animome a cuntavos una pequeña hestoria personal ya curiosa, sobre la llibertá del software llibre 
que m’incumbió y de la que sali beneficiáu 
Fae meses finosé la torna de Firefox 3 en Launchpad… Yo collaboré tornando offline les 1000 frases que quedaben del ñavegador, y cuando dispongome a xubir el .po a Launchpad, resulta qu’Astur adelantose tornándolu a la vez online. Una pena que colos pocos que somos, frayaremos esfuerzos no mesmo 
Fae 1 mes, Astur pidíome qu’estudiare como convertir los .po de Launchpad a .xpi de Firefox. Tras unes hores guetando per Internet, atopé la manera, algamando gracies a Softastur que n’Ubuntu, Firefox te n’asturianu y espublizando la manera nesti blog.
La paradoxa llega agora, cuando enterome fae unos díes, de que Dangerous Piper, garra les tornes d’Astur y el métodu de mio, y adaptales a Windows y Mac. Ufiertándome usar Firefox n’asturianu n’ámbitos como un USB portable pa los cybers o nel trabayu con Windows.
El poder de l’adaptación del software llibre ablucame cada vegada más Esti ye un gran exemplu d’un trabayu en cadena de xente, nel que un esfuerzu impresionante y altruista, echa un gabitu perimportante a la nuestra llingua ya la nuestra llibertá d’escoyer
4 de Ochobre, 2008 - 08:43
Si eso que fales ye interesante y tien que ver cola evolución de la raza humana. Préstame el programa redes y un día falaben de como los individuos humanos cooperamos pa meyorar y protexenos, movidos en realidá por un interes egoista, pero amosando que ye’l meyor método de supervivencia y como los animales según van ganando en intelixencia cooperen más entre si. Polo visto los antepasaos del llobu yeren solitarios n’orixe, pero evolucionarón a formes de trabayu en convivencia. Según sentía esto vienome de secute a la cabeza el conceutu de software llibre, y como empreses y voluntarios trabayen pa meyorar les aplicaciones, ye evolución… y la rede da lo que faltaba a la humanidá pa ser llibres, COMUNICACIÓN…
Enfin esplicación llarga de que el to artículu ye bien prestosu y claro. Anque nun usé los ficheros que fizo Astur, fice los jar otra vegada dende’l launchpad pa tar seguru de tener la última versión.
Por cierto ¿vas dir a la mani de güei?
4 de Ochobre, 2008 - 11:15
Cuando referíame a si usaste los ficheros d’Astur, tenía en mente que los baxaste de Launchpad
¡Un saludu!
4 de Ochobre, 2008 - 15:13
a val, pensé que decies el repositoriu que fizo, pero entos sí. Claro que si nun me llegues esplicar el problema del compilador nun daba con ello
5 de Ochobre, 2008 - 15:48
Bon trabayu a los dos. Un pequeñu pasu pa nós, pero un gran pasu pa la comunidá asturfalante!!
A por un software !00% llibre y 100% n’asturianu.