Xuegu Teeworlds
Llevaba años ensín enganchame a un xuegu d’ordenador.
Remembro los años mozos col Spectrum y sala de máquines col vicíu al Double Dragon, Street Fighter, Pang…, tambíen el 486 de 33 Mhz, con unos xuegos bastante avanzaos pa la tecnoloxía disponible d’aquella.
Dempués llegó a la mio vida otru ordenador, un PC de 800 Mhz que duró fasta fae poco. Esti fizo que los vieyos tiempos enviciáu dexaren d’esistir, llegando a les mios manes xuegos abondo meyores en gráficos, pero… que nun me convencíen na adición y xugabilidá. Tamién ye cierto que la edad va aumentando, y atrayíame dedicame a otres coses col ordenador, más qué a xugar.
N’Ubuntu hai xuegos perbonos (falaré d’ellos nun futuru), pero enviciame, enviciame consiguíolo fae poco Teeworlds. Y el viciu que te crea ye ablucante xD
El xuegu consiste en que yes una bola nun mapa bidimensional, con varies armes coles que matar al restu, tamién tienes un arpón col que puedes esguilar pelos techos. Y puedes xugar un toos contra toos o en modu de 2 equipos CTF, onde robar la bandera al contrariu (Pa mi el meyor).
Tien gráficos correctos, soníos simpáticos, pero la xugabilidá ya adición son grandísimos.
En primer llugar tienes que xugar conectáu, una desventaxa que se convierte en ventaxa, al ser toles bolines del xuegu una persona humana.
Cuestate un bon ratu adaptate a los controles, pero en cuanto lo faes, multiples la to adición.
L’ación ye mui rápida, y les animaciones, soníos que faen les bolines ye pa partise de risa, pa nel intre dir a vengate de quien te mató jajajaja
Si esto fuera poco, nun tien istalación, descargando un archivu comprimíu, que tras descomprimilu, executeslu y ¡carretera! Tamién ye open source.
PD: Alvertencia, anantes de ponete a xugar, prepara una bona cafetera 😉 La nueche puede facese mui llaaaaarga xD
27 de Mayu, 2008 - 23:25
Esti día decidíme a desaniciar windows ya istalé Ubuntu (gracies, xq nun mos los podeis poner más fácil a los que nun sabemos na d’ordenadores…) y púnxime a baxar esti xuegu y ye que al xugar apaezme la pantalla parpadeando y nun se xq ye. Si pudiereis ayudame agradeceríavoslo, que tengo ganes d’enganchame,jeje.
ta l.lueu!
1 de Xunu, 2008 - 12:01
Uhm… Prueba a desactivar Compiz anantes de xugar… nel menú /Sistema/Preferencies/Apariencia/Cabera pestaña Efectos Visuales, calca en “Nengún”.
Una vez xugao vuelve a establecelu col mesmu pasu, pero calca en “Extra”.
Compiz con dalgunos xuegos da esi efectu de parpadeu. Sé que se reescribió enteru dende cero, fae unos 4 meses, y que facilitará la creación de plugins. Nun se si eses modificaciones ya tan plasmaes na versión de los repositiorios.
También lleí dalguna vegada, que Gnome tien previsto l’escritoriu 3D, pero nativu, ensín correr Compiz, pero pa eso supongo que tendrá que pasar abondo tiempu 😉
Espero que te furrule la solución que te doi. Ya nos contarás 😀
Un saludu.