Mentanto, nos paises avanzaos…

Vengo d’atopame nel Planet col enllaz a un artículu de Computerworld UK nel que nos cuenten que la Bolsa de Londres (LSE), xunto cola so filial Borsa Italiana y la noruega Oslo Børs van camudar el sistema d’esplotación que veníen usando o que taben a piques d’usar.

Anguaño veníen usando’l software TradElect, basáu en Microsoft .Net, pol software MilleniumIT que funciona con GNU/Linux y Solaris. Millenium IT ta desendolcáu por una empresa desllocalizada en llocal de Sri Lanka a la que va mercar LSE por 30 millones de dólares, mientres que’l sistema d’anguaño costaba 65 millones de dólares.

Darréu d’esto, LSE va aforrase añalmente 10 millones de libres esterlines entamando dende l’exerciciu 2011/2012. Rescampla que la Bolsa de Londres nun ta n’Asturies…

(Iguao colo que nos cuenta ayalgueru)

2 comentarios al rodiu de “Mentanto, nos paises avanzaos…”

  1. marquinos diz:

    Ensin cuntar que la bolsa de Londres camudó de GNU/Linux a Windows fae unos 3 años, usando Windows, tuvo una hestoria ensin antecedentes: caída de 7 hores, provocando millones de pérdides.
    Finalmente fae 1 añu volvieron a camudar a GNU/Linux.
    http://acurti.es/Zfa
    Un bon exemplu de cuán importante ye escoyer bien 😉

  2. ayalgueru diz:

    que pequenhu ye el mundu ,,, pero LSE ye una de les fontes de les que la organizacion pa la que trabayo toma datos de mercau y esti proyectu tocame seguilu de cerca ,,,

    Lo primero una precision pedante ,,, 🙂 Milenium IT nun ye una organizacion desllocalizada ,,, ye una empresa llocal de Sri Lanka ,,, empezaron trabayando pa la bolsa de Sri Lanka y a partir d’eso conviertense nuna pequenha empresa global ,,, pa que nun digan que los pequenhos nun pueden ganar nel mundu globalizau 😉

    Ademas el tradelect , al LSE desendolco-ylu a la bolsa Londres una empresa externa ( nun me acuerdo quien ye ) entos al mercar Milnium IT lo que tan faciendo en tou casu ye internalizalo ya que esta empresa agora va ser parte del LSE group.

    Pero bono si ,,, LSE por culpa de la directiva MIFID tien muncha competencia sobre todo de tolos MTFs ( una especie de minibolses que agora hay) Plus Markets, Turquoise , Boat y toles otres ,,, que salieron , entos el cortar gastos ye una consideracion claro ! pero tamien lo ye la calida ,, TRADELECT tien unos problemes bien gordos ,,, la caida que tu menciones que salio na portada del Financial times ,,, pero ademas El sistema de Milinenium ye el mas rapidu del mundu pa facer trading ,,, lo cual ye una consoideracion importante pa tolo que ye el trading computerizau algoritmicu ,,, ademas el TRADELECT parez ser que tampoco ye adecuau pal trading after hours que tienen en BORSA ITALIANA y esti trading after hours tovia ta nel vieyu sistema AFFARI de BORSAITALIANA lo cual ye un gastu tremendu ya que tovia nun pudieron decomosionar del too el vieyu sistema de trading de BORSAITALIANA ,,,