Ocalitos, ocalitos…

Por si los koalas y la llingua nun basten pa qu’Ubuntu 9.10 seya un Asturalia-Linux, la versión de sirvidor que ta a piques de salir va venir con Eucalyptus.

Eucalyptus

Eucalyptus

Ello ye un desarrollu abiertu de la computación na ñube, pero que al ser modular podrá nel futuru adautase a otres arquitectures (Google, Microsoft…)

Polo que cuenten nesta páxina, instalar una ñube propia ye más fácil de lo que podría pensase. Pa una organización o empresa que necesite “tar nes ñubes” ye una alternativa afayadiza a los servicios de pagu.

Y yá que tamos, qué prestoso diba ser si de la universidá d’Asturalia salieren proyeutos como esti, fechu na Universidá de California de Santa Bárbara

1 comentariu al rodiu de “Ocalitos, ocalitos…”

  1. Dangerous Piper diz:

    Otra alternativa (tamién llibre) pero desendolcada por una empresa catalana ye eyeos http://eyeos.org/