Menuda la que s’armó estos díes nes redes sociales col tema de la #Operación_Linux. Pa quien nun lo sepa, resulta que la policía trincó a dos presuntos collaboradores d’una organización armada, y a la operación llamáronla #Operación_Linux (supuestamente ye Linux y non Linus, como apunten otres fontes).

Bono, el casu ye qu’armóse la de coyer, porque a los usuarios de Linux nun-yos fizo plizca gracia, y que si “agora van identificar Linux con terrorismu“, que si “mio ma va pensar que soi un antisistema” que si “ye lo que nos faltaba pa desprestixar al software llibre“, y cantidá de chorraes más.

Ye cierto que Linux entá nun tien muncha aceutación ente la xente (Porque nun lu conocen: y la inorancia munches vegaes, lloñe de ser atrevida ye estúpida), y que cuesta muncho facer que la xente atalante’l conceutu del Software llibre, pero yo nun creo que seya pa tanto…

… y val que podríen escoyer otru nome meyor, pero ye que si a la operación la denomasen  #Operación_Windows , igual aínda taben tapando furacos pa echalo a andar…..

humor geek

Esti artículu espublizóse'l 12 de Xineru de 2011 a les 12 de Xineru de 2011 y ta guardáu en geek, humor. Etiquetes: geek, linux, operación.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.