Instalar LINE n’Ubuntu

Güei vamos ver cómo instalar LINE n’Ubuntu. Lo primero ye desplicar qué ye LINE: ye una app de mensaxería nel intre pa móviles (smartphones), competidora direuta de Whatsapp, que tamién permite facer llamaes de vozIP y tien munches más funciones que la so rival. Lo meyor de too: ta disponible p’Android, iOS, y tamién pue usase dende’l ordenador de sobremesa: PC y Mac

¿Cómo???? ¿PC y Mac? ¡¡Yo uso Ubuntu!!

Bien fecho Nesti tuto vamos enseñate cómo instalala pa Ubuntu

1) INSTALANDO WINE

Lo primero ye instalar Wine, que ye un programa que yá falamos muncho d’él, y va permitinos executar ficheros como si tuviésemos un Windows. Abrimos terminal y escribimos ésto p’amestar los repositorios:

sudo add-apt-repository ppa:ubuntu-wine/ppa

Anovamos con:

sudo apt-get update

Y agora instalamos Wine

sudo apt-get install wine

Nota: na instalación de Wine, van entruganos dende la terminal pa que aceutemos dellos términos de llicencia. Pa seleicionalos con el tecláu, movéivos cola tecla [Tab], y calcáis [Enter] p’aceutar.

2) INSTALANDO LINE

• Agora vamos a la páxina de Line
• Y descargamos el ficheru correspondiente a la versión d’escritoriu de Windows

Una vegada que tenemos el ficheru LineInst.exe facemos clic col botón derechu sobre él y escoyemos la opción “Abrir con Wine Windows Program…”.Entamará la instalación y va apaecer la siguiente pantalla:

Siguimos los pasos:

Rellenamos los nuesos datos, y pista.