Academia != Creative Commons

Acabo aportar de la manifestación y l’actu del Día de les Lletres n’Uviéu.

Quiero comentar 2 coses 😛

  1. Impactóme’l fechu de qu’Ana Cano nomara al “Colectivu Softastur” ente tanta xente y nun actu tan importante 😀 (pola collaboración de Softastur pa dar sofitu na torna de tecnoloxía a empreses). ¡Gracies!
  2. Dió anuncies de que l’Academia diba collaborar con Google pa xubir tolos llibros a Google Books. Nesto’l Teatru Campoamor españó n’aplausos, yo incluyíu, pero ḥodiome abondo la siguiente frase… L’Academia diba xubir toles obres, tando disponibles pa tol mundiu’l (sólo’l) 20% del llibru, y la posibilidá de mercalu dende Google.
    Yo nun toi d’alcuerdu n’esto. Parezme que tol trabayu de l’Academia debiere tar baxo una llicencia Creative Commons, la llicencia d’usu que ta espardiendo la cultura como enxamás pasó. Y quien quiera mercalu, que lu merque, pero da-y la posibilidá de a quien nun pueda mercalu pueda tenelu. Tamién nesi casu nun fae falta recurrir a Google, con un sirvidor cualisquier ya tienes la oportunidá d’ufiertar los llibros 😉

    Nun sé si esti blogue lu lleerá dalguién de l’Academia, pero encamiénto-yos a que atalanten que realmente tamos nún tiempu nel que xorrez (por muncho que-y ḥoda a la $GAE) abondo la cultura por Internet, y l’asturianu nun puede quedar fuera.

Y dicho esto… ¡¡¡YA, YA, YA, OFICIALIDÁ!!!

4 comentarios al rodiu de “Academia != Creative Commons”

  1. Dangerous Piper diz:

    Pos yo nun veo mal que lo vendan a la fin ye un trabayu y l’Academia nun anda sobrada de presupuestu precisamente. Otra cosa ye que llicencien con Creatiuve Commons, esto nun implica el que nun puedan vender el so trabayu, pa algo ye de ellos y fairan con ello lo que crean más oportunu.

    Sería ideal usar una llicencia Creative Commons pa facilitar el accesu a eses publicaciones a toos incluso xente ensin recursos, pero tamién que lo sacaren a la venta porque ye una forma de sofitar el trabayu de l’Academia.

    Yo por exemplu uso el diccionariu online, y descargue les normes ortográfiques y la gramática en pdf, pero merqué el diccionariu y les normes. Porque me yera más cómodu, porque me prestaba y porque ye una forma de sofitar a l’Academia que nun dexa de ser sofitar a la propia llingua.

  2. marquinos diz:

    Home, tas no cierto Mikel 😉 Pero l’oxetivu de l’Academia ye divulgar tolo posible la cultura, y la manera hoi en día, son llicencies llibres 😉

  3. Dangerous Piper diz:

    Sí, coincido contigo, pero eso nun quita pa que tamién los vendan…

  4. marquinos diz:

    Camudé lo de la venta 😉 Tienes razón Mikel 😉