Asoleyáu Ubuntu 11.04

¡Yá disponible Ubuntu 11.04! Col nuevu entornu Unity, preséntasenos la nueva versión coles novedaes siguientes como más importantes:

  • Un instalador más simple tovía. ¿Yera posible? Parez que sí 😛
  • Unity: Una nueva manera d’entender l’escritoriu. Nun uses aplicaciones pa facer la to xera, simplemente xestiona la to xera. Unity destaca por algamar un escritoriu usable ensin permitir interrupciones.
  • Centru de Software d’Ubuntu: Faise social, con puntuaciones, recomendaciones y redes sociales.
  • Firefox 4, ¿qué dicir que nun sepas? 🙂
  • Banshee ye’l nuevu reproductor de música, con nueves tiendes de música.
  • LibreOffice.
  • Nuevu xestor de preferencies y del sistema, accesible dende un sólo menú.
  • ¡100% N’asturianu!

Puedes descargalu direutamente dende equí, equí por torrent,  entender qué ye Unity equí y los sos atayos equí.
Y remembrate que si nun te atreves a instalar, anovar o simplemente tienes duldes, taremos p’ayudate tol sábadu día 30 d’abril en FNAC (Parque Principáu).

2 comentarios al rodiu de “Asoleyáu Ubuntu 11.04”

  1. quixole diz:

    Una bona noticia, gracies a tolos que trabayaron na actualización y por supuestu na traducción al asturianu; por ciertu, paezme qu’hai un error nel textu de la noticia: la palabra asturiana pa un camín más curtiu ye atayu y non ataxu. En corrixéndolo si vos paez oportuno, podesis borrar esti mensaxe.

  2. marquinos diz:

    Gracies a ti tamién quixole 😉 Yá ta correxíu. Un saludu candial collaciu.