Nautilus recueye n’esta versión 2 meyores persolicitaes y perbones:

• Pestañes.
• Nueva vista compauta.

Compártilu

Pa usar ḷḷ y ḥ n’Intrepid Ibex nos tos escritos, ye asina de cenciello: Calques la tecla AltGr + h ó l.

Remembra que pa poder facelo tienes que configurar el tecláu cola variante asturiana

Compártilu

Cuando sal una nueva versión d’Ubuntu, al actualizar dende’l “Xestor d’actualizaciones” avisate si quies actualizar los paquetes o saltar a la nueva versión.

Na web oficial, esplícanos les posibilidaes p’actualizar

Con Hardy nun sal esi avisu, y ye porque Hardy ye una LTS (Long Term Support) y vien preconfigurada sólo p’actualizar a otres LTS, pero si queremos actualizar podemos camudar en /Sistema/Alministración/Oríxenes del Software, pestaña “Actualizaciones”, “Amosar nueves versiones de la distribución” por “Ediciones Normales“.

Con ello ya verás Intrepid afayaízu p’actualizar Y simplemente actualizando, Ubuntu encargase de too

Compártilu

Agora cuando queremos dexar a dalguien manexar l’ordenador, pero nun queremos crear otru usuariu, tenemos la posibilidá d’abrir la sesión d’invitáu.
Tolo que faiga la otra persona desaniciarase cuando zarre la so sesión nun quedando rastros nel ordenador Y por supuesto, ye una cuenta ensín privilexos d’alministrador.

Pa activala, vamos al nuevu menú d’usuariu y simplemente escoyemos “Guest session”.

Compártilu

Con esti programa puedes grabar una imaxe .ISO a un llápiz USB, algamando poder istalar Ubuntu dende un LiveUSB, en llugar d’un LiveCD, aforrando CDs
¿Ventaxes? Istalar n’equipos ensín reproductor de CD o rotu, ganes velocidá d’istalación si tienes que facelo en varios ordenadores…

¡Perbona ferramienta!

Dexovos un videu colo simple que ye de facelo

Compártilu

¡Por fin llega la esperadísima versión final d’Ubuntu Intrepid Ibex ya puede descargase!

Ente les novedaes más destacaes, caben señalar les siguientes:

• Soporte pa ḥ y ḷḷ de manera nativa Y munches más aplicaciones tornaes al asturianu
• Nautilus estrena pestañes.
• Directoriu priváu encriptáu pa cada usuariu.
• Nuevu tema visual oscuru (nun va por defeutu, pero sí pa poder escoyelu fácilmente).
• Nueva sesión d’invitáu con accesu llimitáu al sistema.
• Nel Grub aparez arrancar cola “Cabera sesión exitosa”.
• Nuevu xestor de redes (con soporte pa 3G).
• System Cleaner pa llimpiar paquetes que nun faen falta.
• Meyor soporte de Flash con Firefox.
• Istalador pa poder crear con Ubuntu un LiveUSB, y istalalu en PCs ensín reproductor de CD.
• DKMS: Recostrucción automática de los módulos cuando heba autualizaciones del kernel.
• Arranca muncho más rápido (nel mio caso calculo qu’aforra 1/4 parte del tiempu que lleva entamar a Hardy).

Y….. ¿qué faes que nun lo tás baxando ya? (Recomendación: Usa torrent, qu’igual tan saturaos los sirvidores).

PD: Nos prosimos díes diremos poniendo captures y videos de les novedaes

Compártilu

¿Tovía duldes n’apuntate? ¡Animate!

Compártilu

Restolando pela web, chocame qu’izquierda xunida ye un sitiu web peligrosu…

Por contra, la versión castellana… non.

Si llegamos a tar en tiempu d’elecciones, pensaría mal…

Compártilu

La Fundación Linux estimó qu’implementar el sistema operativu Fedora (el cual ye GNU/Linux) dende cero, supondría unos 10.800 millones de dólares. ¡Ehí ye nada!!! :S

Esta distribución ta formada por 204,5 millones de llinees de códigu, componiendo 2.547 paquetes.

L’estimación del trabayu pal desarrollu del software necesariu pa facer dalgo igual ye un total de 60.000 años home, onde unos 7.500 corresponderíen al desarrollu del kernel namái.

… Y esta estupenda distro puedes istalala pol módicu preciu de 0 €

Compártilu

Un pésimu diseñu de una web ye camudar el tamañu del ventanu del restolador web.

Pa evitar que puedan facelo, desactivamos el botón d’escoyeta que tien Firefox na so configuración de preferencies, como puedes ver na semeya

Compártilu