Automatix: Ya con esto, alón
Se para’l desarrollu d’Automatix.
Automatix ye una aplicación que facilitaba la istalación d’aplicaciones/drivers.
Fae tiempu hubo discrepancies sobre los métodos qu’usaba’l programa, y que podíen causar inestabilidá nel sistema.
Los desarrolladores camudáronlos, intentando conciliase más cola comunidá.
Pero agora parez que por motivos personales, los desarrolladores nun tienen el tiempu necesariu pa desarrollar esta aplicación, y cancelen el proyectu.
La verdá qu’en ciertu momentu, esta aplicación llegó a acercar a munchos usuarios a Ubuntu, ya que facilitaba enormemente la istalación de java, drivers, flash, etc, que yeren un poco más complicaos col propiu sistema d’Ubuntu.
27 de Marzu, 2008 - 14:09
SI nel so memoentu foi mui util, pero anguaño el propiu sistema d’ubuntu pa instalar drivers ye más cenciellu que Automatix, agora yá nun tien sentíu anque valio d emuncho… (que foi de la semeya…)
27 de Marzu, 2008 - 15:10
Hola.
La semeya perdila, recuperé 130 de 140, y esa yera de les caberes.
Debieron les últimes sobreescribir les penúltimes 🙁
un saludu.
27 de Marzu, 2008 - 16:21
Pues nun lo siento por Automatix… a mín dábame la impresión de que yera pura puxarra… taba tol día pidíendome actualizaciones y dábame problemes pa furrular (cierto ye que lo mío nun ye caciplar con too esto, sinon usar Ubuntu sin más. Y ye que cola versión ultima d’Ubuntu… too ye munchu más fácil que tener que tar abriendo repositorios a esa cosa estraña, que tenía una web que paecía d’un grupu satánicu.