Dosbox ye un emulador de dos. Con esti programa vamos poder usar aplicaciones que tengamos por casa de cuando usábemos esti sistema operativu.

Namás tenéis qu’instalalu dende la terminal con

sudo apt-get install dosbox

o al traviés del instalador de paquetes de synaptic

Agora vamos crear un directoriu col nome dosprog dientro de la nuestra carpeta personal, y copiamos ellí los programes que queremos usar.

Agora namás nos queda arrancar el programa, pa ello tecleamos dosbox nuna terminal.

Bienllegaos al DOS. Agora tenemos que dici-y al programa onde va tar el so discu, pa ello tecleamos

mount c ~/dosprog

onde ~ equival a /home/[nome usuariu]

Agora namás queda navegar hasta la carpeta que queramos y executar el ficheru en cuestión (acordáivos que los executables son los *.exe).

Dalgunos comandos que nos puen sirivir pal DOS:

dir: llista el directoriu, equival al ls de GNU/Linux.
cd [nome directoriu]: llévanos al directoriu escoyíu, igual qu’en GNU/Linux.
cd..: sube un directoriu, en GNU/Linux ye cd ...
cls: llimpia la pantalla, en GNU/Linux ye clear.

Pa salir del programa tenéis que teclear:

exit

Pa tener más información podéis teclear INTRO y el programa infórmavos de más opciones y posibilidaes.

Que lo paséis bien con esos xuegos abandonaes que tenéis per ehí.

Compártilu

Cuando sal una nueva versión d’Ubuntu, al actualizar dende’l “Xestor d’actualizaciones” avisate si quies actualizar los paquetes o saltar a la nueva versión.

Na web oficial, esplícanos les posibilidaes p’actualizar

Con Hardy nun sal esi avisu, y ye porque Hardy ye una LTS (Long Term Support) y vien preconfigurada sólo p’actualizar a otres LTS, pero si queremos actualizar podemos camudar en /Sistema/Alministración/Oríxenes del Software, pestaña “Actualizaciones”, “Amosar nueves versiones de la distribución” por “Ediciones Normales“.

Con ello ya verás Intrepid afayaízu p’actualizar Y simplemente actualizando, Ubuntu encargase de too

Compártilu

Agora cuando queremos dexar a dalguien manexar l’ordenador, pero nun queremos crear otru usuariu, tenemos la posibilidá d’abrir la sesión d’invitáu.
Tolo que faiga la otra persona desaniciarase cuando zarre la so sesión nun quedando rastros nel ordenador Y por supuesto, ye una cuenta ensín privilexos d’alministrador.

Pa activala, vamos al nuevu menú d’usuariu y simplemente escoyemos “Guest session”.

Compártilu

Con esti programa puedes grabar una imaxe .ISO a un llápiz USB, algamando poder istalar Ubuntu dende un LiveUSB, en llugar d’un LiveCD, aforrando CDs
¿Ventaxes? Istalar n’equipos ensín reproductor de CD o rotu, ganes velocidá d’istalación si tienes que facelo en varios ordenadores…

¡Perbona ferramienta!

Dexovos un videu colo simple que ye de facelo

Compártilu