Crónica Edubuntu n’asturianu

Ayer foi otru día de satisfacción pola esperiencia con Edubuntu.

La instalación ficimosla nel telecentru de Sama (gracies Eloy pol sofitu! otra vegada ;) ) sobro equipos con Windows XP y 480 MB, onde instalamos Virtualbox, copiamos una imaxe d’Edubuntu asignando-y sólo 180 MB de memoria (portándose perbien Edubuntu pa esa cantidá de memoria), y afitamos pantalla completa ¡voalá! L’ordenador engaña y parez que temos ante un Edubuntu real (non virtualizáu baxo Windows). Quisimos que fuere asina, porque nun yera plan particionar ordenadores que nun son de nós, y nes escueles lo más normal será que tengan Windows y tampoco dexen particionar pa instalar Edubuntu. Con esti métodu qu’esplicaremos nun post más alantre, podrás instalar ensin particionar ;)

Lluéu llegaron los neños/es, y la verdá que ye ablucante lo bien que se-yos da les nueves tecnoloxíes a los rapacinos/es :P
Quiero recalcar que si a un neñu/a das-y un entornu dafechu n’asturianu, cola xente alrodiu falando-y n’asturianu y l’ordenador n’asturianu, el neñu/a fálate dafechu n’asturianu, de manera natural. Ye un esponxa que s’adapta al mediu perrápido :D

Tamién vinó Próspero Morán a grabanos, y podreís ver la esperiencia nun programa de “Nós” de la RTPA :)

Sólo queda da-y milenta gracies a los neños/es y a sus pas/mas por venir, y permitinos demostrar que l’asturianu ye perfectamente válidu pa dar clas de cualisquier materia n’asturianu. ¡Queremos la educación n’asturianu dafechu!

Equí dalgunes semeyes:

9 comentarios al rodiu de “Crónica Edubuntu n’asturianu”

  1. felipe diz:

    Acoyonante collacios. Esti ye’l camín. Onde puede descargase Ubuntu? pues dame un enllaz direutu? gracies y a siguir.

  2. marquinos diz:

    Hola.
    Equí tienes pa baxalo:
    http://www.ubuntu.com/getubuntu/download ;)

    Edubuntu ye Ubuntu + programes educativos, una vez instalao Ubuntu, puedes instalar Edubuntu baxándolu d’equí:
    http://cdimage.ubuntu.com/edubuntu/releases/
    según la to versión.

    Más info en: http://www.obtengalinux.org/

    Un saludu y pa cualisquier dulda, equí tamos ;)

  3. pingarates diz:

    mui guapo

  4. carlos diz:

    Mui bien trabayao!
    A ver cuando facéis otra Install Party d’eses que yo soi un poco pol.lín pa estes coses.

    Gracies.

  5. Fueya en blanco diz:

    Bufff, norabona de verdá pa la xente que naguamos por dalgún día enseñar la nuesa llingua de manera normal, estos preseos son perbonos. ¡Munches gracies!.

  6. xakin diz:

    Perbon trabayu ñeños!

  7. astur diz:

    Collacios, pa mí lo meyor nun foi l’actividá en sí. Pa mí lo meyor foi ver cómo entamaben a falar de sópitu n’asturianu los neños, en cuantes que l’ordenador falába-yos n’asturianu. Esos neños son la mayor ayalga que tenemos. Oyéndolos falar n’asturianu, sentí qu’esi yera’l bon camín. Hai que curiar el futuru como oru en pañu…

  8. AluminiuM diz:

    Esti post sacóme les ḷḷágrimes de la emoción, entá nun atalantais lo importante que ye dayos esta ferramienta a los guaḥes.
    La simiente de güei ye’l pan de mañana.

  9. YannUbuntu diz:

    Hola, gracias por este articulo interesante !

    seria possible utilisar las fotos de este pagina para presentar Edubuntu en la Documentación del sitio de la comunidad francesa Ubuntu-fr.org (que está sobre licensa CC BY-SA v3.0 ) ?

    (desculpe por mi español soy Francés)

    Por favor responder-me en mi correo email.

    ~YannUbuntu de ubuntu-fr


Zarrar
Mandar Corréu Electrónicu