Desaniciar la cuenta de Facebook

Lo que debiere ser fácil, conviertese n’anubríu nesta famosa rede social.
Hai varies coses que me molesten abondo d’esta triba de redes sociales, y nel casu que nos interesa, Facebook.

  • Nun-y veo utilidá. La única, ver que-y va pasando a decenes de persones d’un vistazu… pero’l preciu a pagar pola privacidá ye demasiao grande.
  • Copien los datos webs paraleres (cómo 123people.es), ensín el to consentimientu y polo tanto pierdes el control sobro los tos datos.
  • La falta de privacidá, teniendo que poner datos reales pa que los tos collacios t’atopen (dexaría de tener xacíu si nun pusieremos los nuestros datos).
  • El serviciu en sí tien una intromisión ablucante, rellacionandome con xente perbien, pero si nun quies que faiga eso…
  • Ser amigu, fan, del grupu X, de poco val. Debería nomase “Rede asocial”, la mayoría de la xente nun la conoces en persona, y perder tiempu nesta triba de webs, nun me parez que seya tolo “social” que debería ser.
  • La pérdida de tiempu personal que supón lo dicho nel puntu anterior, cada vegada hai más servicios qu’atender n’Internet, asina que prefiero centrame nos que realmente me presten y veo útiles.
  • La dificultá de date de baxa del serviciu.
  • ¿Qué me gusta ser raru y dir escontra corriente, cuenta? Radicalón que ye ún 😛

Bien, de xuro que m’escaezo de dalgún.

Pa date de baxa, parez que’l camín ye fácil y cenciellu: Menú Configuración de la cuenta / Desactivar la Cuenta… ¡pero non! ¡Ehí sólo desautives la to cuenta, nun la desanicies dafechu!! Si vuelves a entrar, tendrás tolo que teníes, na fué esborrao.

Si lo que quies ye que la to cuenta seya esborrada pa siempre, tienes que dir a esti enllaz perescondíu:
http://www.facebook.com/help/contact.php?show_form=delete_account
Nel plazu de 14 díes ensín que vuelvas a entrar, toles tos semeyes, páxines nes que yes fan, comentarios… serán desaniciaos 😉

Vía: xeduced.

2 comentarios al rodiu de “Desaniciar la cuenta de Facebook”

  1. Ricardo diz:

    Mui interesante l’artículu. Pero’l casu ye que Facebook, polo que yo pescancio, nun copia los datos ensín el to consentimientu, si dalguién llee les condiciones d’usu (eso que naide llee) atopamos lo que va darréu (versión n’español, porque la primera qu’apaez, anque entres pela interfaz n’español, ye la versión inglesa):

    «Con el fin de que podamos hacer uso de ciertos tipos de contenido y ofrecerte Facebook, aceptas lo siguiente:
    Para el contenido protegido por derechos de propiedad intelectual, como fotografías y vídeos (“contenido de PI”), nos concedes específicamente el siguiente permiso, de acuerdo con la configuración de privacidad y aplicaciones: nos concedes una licencia no exclusiva, transferible, con posibilidad de ser sub-otorgada, sin royalties, aplicable globalmente, para utilizar cualquier contenido de PI que publiques en Facebook o en conexión con Facebook (en adelante, “licencia de PI”). Esta licencia de PI finaliza cuando eliminas tu contenido de PI o tu cuenta (excepto en el caso en que tu contenido se ha compartido con terceros y éstos no lo han eliminado)…»

    Vamos, que lo qu’entiendo ye que tola to información (semeyes, videos, testu…) pasa a ellos col to consentimientu (el consentimientu daslu al calcar pa rexistrate). Y como vemos, anque tu borres la to cuenta, cierta información nun va eliminase si hai coses compartíes ente dellos usuarios. Polo que tendrás que dir usuariu a usuariu pidiéndo-yos que lo esborren. Y entrugo yo, siendo gafu como un diañu, ¿y si hai “usuarios” creaos exprofeso pa compartir coses ya impedir el desaniciu dafechu de toa información?
    En fin, prestosa entrada. Y acertao lo de poner en dulda “redes sociales”, ye cierto qu’eso sí que ta al marxe de la sociedá, o paralela a la sociedá.
    Saludos

  2. marquinos diz:

    Hola Ricardo.
    Mikel ye quien meyor nos puede aclarar esto (ta al tantu :P).
    Parezme que según me dixo, lo que xubas a Facebook pasa a ser d’ellos…
    Pero si lo esborres, dexa de ser d’ellos.
    Tuvieron xareos fae 1 añu cola so política, y pola presión de la xente camudaronla a esta que te digo.
    Un saludu.