Facer llinies rectes con GIMP

Por coses de la vida, esta selmana véome obligáu a dar “cursillos” de deprendizaxe d’Ubuntu a una colla xente qu’enxamás oyeron lo que ye un repositoriu o una terminal, y claro, como la cosa va d’Ubuntu pues de too faen comparanza col Windows.

Resulta que pidiéronme el “Paint”, y n’Ubuntu nun usamos “paint”. Lo normal ye usar GIMP. Y equí-yos vieno el problema, que ye que nun sabíen facer llinies rectes. Como nun ye la primer vegada que m’entruguen esto, (por que nun ye una opción que tea a la vista) a ver si sirve pa otros:

  • Abrimos GIMP y seleicionamos la ferramienta de pintura que queramos (llápiz o pincel). Col botón esquierdu del mur, facemos clic nel primer puntu de la nuestra llinia.
  • Agora movemos el punteru, y calcamos na tecla MAYÚSCULES (o Shift). Eso dibuxará una llinia hacia’l nuestru punteru.
  • Volvemos a facer clic col punteru. Tendremos la llinia que queríemos. Y yá podemos soltar la tecla MAYÚSC

Fecho.

Reconozo que la opción ye difícil de dar con ella, y que muncho meyor si esistiese un iconu. Pero nun hai más que fixaxe nel menú dinámicu que sal na ventana de dibuxu, y que va diciéndonos les opciones disponibles pa cada triba de ferramienta. 😉

3 comentarios al rodiu de “Facer llinies rectes con GIMP”

  1. Dangerous Piper diz:

    Home, intentar sustituir paint por gimp ye como matar mosques a cañonazos… preba meyor con GNU Paint (gpaint) si nun quies asustar a la xente 😉

    sudo apt-get install gpaint

  2. paparresolla diz:

    El tema ye que necesitábase un programa pa “retoque y edición” mínimu d’imáxenes. Y yá que te pones a ver daqué nuevo, pues lo meyor ye GIMP. Empieces colo más básico, y vas ampliando conocimientos col tiempu. Lo de facer llinies rectes ye más porque foi más de ún el que me lo entrugó, y la verdá, ye una opción que nun ta mui a la vista.

    En cuantes a Gpaint, non, por delles razones, pero namái voi dicir 2: la primera ye que nun tien la opción “Undo” o “Desfacer”, y la segunda que nun ta en llingua asturiana.

    En tal casu, pa editores muuui básicos de dibuxu, la meyor opción ye Kolourpaint, que sí tien opción “Desfacer” y ta en llingua asturiana 😉

  3. Dangerous Piper diz:

    Nun ta mui a la vista, porque nun fai falta. GIMP nun ta pensáu pal usu domésticu…