Hubo un problema cola torna de Firefox dende Launchpad, dao que Mozilla usa’l formatu xpi, y convertir un .po (que ye lo que baxes de Launchpad) a .xpi nun ye tan cenciello.
Asina que pa que’l conocimientu seya pa toos, voi poner los pasos pa facelo.

• ISTALAR EL PO2XPI (Necesariu pa convertir el .po de Launchpad a formatu Mozilla Firefox):

Istalamos bazaar:
sudo apt-get install bzr

Rexistramos la nuestra clave pública en Launchpad:

Baxamos el programa po2xpi de Bazaar con:
bzr branch lp:~mozillateam/rosetta/po2xpi
Al entruganos la clave, ponemos la mesma que cuando creamos la clave pública.

Vamos al directoriu qu’acaba creanos:
cd po2xpi

Istalamos po2xpi nel sistema dende los fontes:
Configuramos el paquete:
./configure
Compilamos el paquete:
make
Istalamos el paquete:
sudo make install

Ya podemos desaniciar el directoriu po2xpi (el programa ya ta istalau nel sistema

• CONVERTIR UNA TORNA DE LAUNCHPAD DE FIREFOX (.PO) A FORMATU XPI:

Vamos a les tornes d’asturianu de Launchpad, y descargamos en formatu .po les tornes feches pa Firefox (que la versión seya la correuta En breve llegaranos al email un enllaz pa poder descargalo.

Dende terminal vamos a onde tenemos esi ficheru .po, y executamos el comandu:
po2xpi firefox Nome_del_ficheru_cola_torna.po
po2xpi xulrunner Nome_del_ficheru_cola_torna.po (pa xulrunner)

Eso creanos un archivu nel mesmu directoriu en formatu:
jar:en-US.jar! (Nun se si puede camudar según entornu del sistema :O )
Entramos a el y la carpeta “locale” comprimimosla como ast.jar (en formatu jar).

Agora vamos al directoriu de Firefox /usr/lib/firefox-3.0.2/chrome (vete a la versión más alta, y nun al directoriu a seques “firefox”), y copiamos esi archivu ast.jar (Tienes que facelo como root). Comprueba abriendolu que nel ficheru ast.jar costa como primer directoriu un “locale”.

Agora garramos un en-US.manifest (u otra llingua), copiamoslu como ast.manifest, abrimoslu y camudamos tolos “en-US” por “ast”. Grabamos.

Y ya tenemos Firefox n’asturianu ¡A disfrutalu!

¡Recalcar que too esto nun sería posible ensín l’esfuerzu de abonda xente que ta puxando pola nuestra llingua ya sistema operativu dende Softastur! ¡GRACIES FONDERES!!!! ¿Y tú, a qu’esperes a echar un gabitu?

PD: Too esto digolo de memoria, si dalgo va mal, avisa-yme

Compártilu

Esti artículu espublizose 'l 22 de Setiembre de 2008 a les 8:17 am y ta guardáu en Ensin categoría. Puede tar al corriente de los comentarios d'esti artículu gracies al feed RSS 2.0. Puede facer un comentariu, o mandar un trackback dende'l so sitiu web.