«
»

GNU/Linux ye’l primer sistema operativu n’asturianu

Ye pa nos un presto anunciar de que yá hai un sistema operativu n’asturianu, depués de munchu trabayu de tola comunidá y cuando tamos premarando’l sitiu web nuevu de Softastur porfin podemos disfrutar d’un sistema operativu na nuesa llingua. Y ye que na última actualización de los paquetes de les llingues d’Ubuntu porfin incluyen soporte al asturianu.

Ye mui tarde y tocame madrugar polo que nun puedo estendeme munchu (prometo un tutorial pa tener Ubuntu n’asturianu) vos dexo una captura de pantalla que fice del mio pc.

ubuntu_nast.png

Tenemos munchu trabayu que facer, munches coses qu’iguar pero el trabayu va dando frutos.

Quería dar el mi agradecimientu personal a tolos que collabarais tanto con launchpad, como con otru tipo de proyeutos como Mozilla o la propia Uiquipedia el esfuerzu fechu… estes coses son les que ropen “la brecha dixital” de verdá… güei toi como un guaḥe con calcetos nuevos 😀

Esti artículu espublizóse'l 26 de Febreru de 2008 a les 26 de Febreru de 2008 y ta guardáu en Ensin categoría. Etiquetes: .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

7 comentarios al rodiu de “GNU/Linux ye’l primer sistema operativu n’asturianu”

  1. marquinos diz:
    26 de Febreru, 2008 - 09:45

    XENIAL! Toi naguando por ponelu 😀
    A ver si agora que podemos ver los resultaos animase más xente a tornar Ubuntu 😀
    Cuando puedas pon como facelo! Gracies!

  2. Randy diz:
    26 de Febreru, 2008 - 19:14

    Coño!
    Oye esos paquetes nun valdrán pa Debian eh?

  3. Dangerous Piper diz:
    26 de Febreru, 2008 - 19:45

    Home si, pero nun te lo recomiendu, tratáse del repositoriu d’Ubuntu polo que igual puede date problemes. De toes formes cuando el proyeutu te más estable pasaremos les traducciones a gnome.org pa que te disponible n’otres distros.

  4. Randy diz:
    26 de Febreru, 2008 - 20:51

    Eso me parecía.
    De momentu ya me val cola aventura de la inestable xDD
    La pena ye que uso KDE xDDDD

  5. Dangerous Piper diz:
    26 de Febreru, 2008 - 22:24

    Tamién hai soporte pa KDE pero gnome tien más aplicaciones tornaes (que no son munches) pero yá podemos trabayar n’ello que ye lo prestoso.

  6. marquinos diz:
    27 de Febreru, 2008 - 19:11

    Uhm, nun se como lo ficiste tú, pero ayer probé nel llar y algamelo! 😀
    La forma:
    En Language Support activo l’asturianu, y desactivo toles demas.
    Reinicio.

    Ya ta! Poniendo n’inglés lo que nun ta tovía tornao a l’asturianu 😉

  7. Dangerous Piper diz:
    13 de Marzu, 2008 - 23:33

    Si eso ye, pero quiero facer un artículu pa esplicalu detalláu.