Google Chrome OS: Google sacará una distro Linux

Ayer per primer vegada, Google confirma oficialmente que ta trabayando nun sistema operativu propiu: Google Chrome OS.

Será un sistema operativu basáu en GNU/Linux, con Chrome como restolador pa la rede, y perenfocáu a la computación na nube. Tamién ye diseñáu especificamente pa netbooks, aunque podrá usase en cualisquier x86.
Ya ta en charres con fabricantes pa ufiertalu a mediaos del añu que vien, y será llixeru y de códigu llibre.

Google ya ta arrasando nos móviles con Android, relegando a Apple (en parte polos elevados precios del iPhone y la falta de llibertá propia de tolos productos d’Apple), y parezme que Google arrasará a Microsoft nos sistemes operativos d’escritoriu con esti SO. La marca Google vende abondo, como toos sabemos a Google los fabricantes quirenlu muncho (Bug #1 d’Ubuntu).

La bona noticia ye que xunto con Ubuntu, sal una distribución que tien toles posibilidaes de poner a GNU/Linux como sistema operativu más usáu nel mundiu 😀 Eso llevaría ventaxes pergrandes, como que les compañíes se volcaren a criar software pa GNU/Linux (AutoCAD, xuegos…), y algamar por fin un sofitu completu pa drivers 😀

Señoras, señores, vienen nuevos tiempos pa GNU/Linux 😉

Vía: El Blog de Enrique Dans.

1 comentariu al rodiu de “Google Chrome OS: Google sacará una distro Linux”

  1. Jesusito diz:

    Nel blogue de Chrome cuenten qu’el códigu lu van lliberar pa la seronda…

    I’m a developer – how can I work with you?
    Thanks for your interest. Later this year, the Google Chrome OS code will be open sourced. We’re looking forward to working with the open source community and making our own small contribution to the great work being done out there. Please stay tuned.

    Digo yo… Google Chrome OS va poder tar n’asturianu 😀