Comentarios en: Güevu pintu en Firefox

Por: Dangerous Piper

Dangerous Piper — Thu, 10 Apr 2008 20:46:04 +0000

Vamos que lo de los güevos de chicolate ye como’l bollu de pascua d’Avilés… ta bien sabelo, amás nun ye namás pa informática… los dvds munches veces traen un güevu pintu… Gracies llomba

Por: llomba

llomba — Thu, 10 Apr 2008 18:27:21 +0000

Nada hom, a toos nos presta que nos ayuden a ameyorar y la verdá ye qu’estes coses teunolóxico-informátiques tán entá ensin normativizar. Pero cuido que perhí van dir les coses.

De pasu, doivos la fondera norabona por esti prestosu blogue

Por: marquinos

marquinos — Thu, 10 Apr 2008 10:49:27 +0000

Hola.
Gracies pol avisu Llomba
Parezme que tienes razón.
Voi camudar el títulu. Si dalguien opina lo contrario, podemos abrir un alderique, ya que considero importante saber la torna correcta pa esi términu informáticu :O
Gracies pola llectura y el to interes
Un abrazu fonderu.
Marquinos

Por: llomba

llomba — Thu, 10 Apr 2008 06:14:54 +0000

Equivóqueste, Piper. Los “Easter Eggs” de los que vien la torna castellana “Huevos de Pascua” (y que s’usen nestes coses teunolóxiques porque son regalos qu’escuende’l coneyu de pascua) nun son de chocolate. Son güevos de pita, pintaos. Vamos, son güevos pintos con toles lletres. Llueu, hai menos de 50 años, les empreses chocolateres entamen a facer caxigalines y bollos pa la dómina, pero la tradición cristiana-xermánica de pintar güevos cocíos de pita per pascua ye talmente la mesma qu’anguaño celebren en La Pola Siero. Más info:

“Easter eggs are specially decorated eggs given to celebrate the Easter holiday or springtime. The oldest tradition is to use dyed and painted chicken eggs, but a modern custom is to substitute chocolate eggs, or plastic eggs filled with confectionery such as jellybeans.”

http://en.wikipedia.org/wiki/Easter_egg

Y repito, el DALLA ye mui claru:

|| Güevu pintu, güevu [cocíu y decoráu na cáscara, típicu de la fiesta del primer martes dempués del domingu de Pascua].

Asina que, si’l coneyu famosu esi trabayare n’Asturies, nun diba esconder “Güevos de Pascua” pelos matos nin pelos DVDs, sinón “Güevos pintos”.

Por: Dangerous Piper

Dangerous Piper — Wed, 09 Apr 2008 21:49:28 +0000

Pérdona llomba, pero yo entiendo que los güevos de pascua son los típicos de chiculate que hai en toa Europa (non en Asturies, eso sí), pero los güevos pintos son otra cosa. Amás que la frase de marquinos nun ta mal fecha si consultamos el DALLA.

Por: llomba

llomba — Wed, 09 Apr 2008 13:38:59 +0000

“Güevu de Pascua”??? Nun faigas eses tornes tan a pelo gochu, hom… cola espresión tan guapa, viva y tradicional que tenemos…

DALLA:

|| Güevu pintu, güevu [cocíu y decoráu na cáscara, típicu de la fiesta del primer martes dempués del domingu de Pascua].

|| Güevos pintos, fiesta que se celebra’l primer martes dempués del domingu de Pascua.