Güevu pintu en Gufw 10.04 esgonciáu por Youtube

Lleí a Stallman dicir que la computación na nube (mails pela web, offices pela web, semeyes na web… ¿sigo?) yera una trampa onde tú nun yes dueñu de los tos propios datos ya información, y qué meyor que velo con un exemplu…

Gufw 10.04 tien un güevu pintu onde si pones bulls como regla simple salte un mensax antitaurín y enllaz a un videu de Youtube onde torturen fasta la muerte a un toru. ¿Qué meyor mensax internacional qu’esi videu onde se ve a esos asesinos tratar asina a un animal?

Calca na imaxe pa ver el güevu pintu

Cola noticia de Catalunya prohibiendo les corríes de toros ye’l meyor momentu pa espublizar esti güevu pintu, pero… ¡Youtube esborró‘l videu del enllaz amosáu nel güevu pintu! :@ por una “infraición de los drechos d’usu”… ¡¡¡WTF!!!

A parte d’esgonciar el güevu pintu dafechu, ¿Por qué diantres Youtube esborró esi videu? ¿Acasu la nuestra sociedá ye tan idílica que nun puede ser perturbada pola realidá? Guetando pela web, atopé xente pidiendo xubir esti videu más vegaes pa evitar los desaniciaos de Youtube.

Resumiendo:

  • Un perbon casu onde ver que nun tenemos control sobre los nuestros datos.
  • Un güevu pintu esgonciáu que tovía puedes siguir viendo en BlipTV, y baxar en avi con esti comandu dende la terminal. ¡Xubelu a tolos sitios que puedas!
  • A video used to be embedded here but the service that it was hosted on has shut down.
  • Y lo más importante: Onde esti añu siguirán torturando toros  ¡CORRÍES DE TOROS NON! ¡Vémonos n’Agostu na manifestación antitaurina en Xixón y na Xunta pola votación del desaniciu de les corríes!

Edición: 31 Xunetu: Atopé esti esceicional videu pa tolos públicos:

1 comentariu al rodiu de “Güevu pintu en Gufw 10.04 esgonciáu por Youtube”

  1. marquinos diz:

    Recibí esti comunicáu per corréu electrónicu:

    “Nel primer día de la feria de Begoña (domingu 8 d’gostu a les 18:00 h) queremos concentranos pa protestar pola crueldá que supón facer espectáculu de la muerte d’un animal. Pa ello cuntaremos con un actor que-y pondrá voz a les palabres que pronunció Xovellanos a la escontra d’esta “fiesta”. Al tiempu, cola nuestra presencia, recordaremos a les miles de persones que yá s’aconceyaron nel añu 1914 en Xixón pa protestar por esta barbarie.
    Plaza de Toros de Xixón (El Bibio)
    Domungu 8 d’Agostu 18:00 hores”

    ¡Ehí taré! 😉