Install Party n’Ibias
Softastur ta presente dientro de los Cursos de Branu que l’Academia de la Llingua desendolca n’Ibias (En Santantolín).
Si quies instalar Ubuntu namás te tienes qu’averar a la Llibrería a partir de les 17 hores de llunes a vienres.
Amás, Softastur dió la selmana pasada una charra al alumnáu de los cursos sobre los Proyeutos de traducción de software n’asturianu desplicando qué ye Softastur, Ubuntu y cómo se torna software al asturianu.
10 de Agostu, 2009 - 19:02
Hola, qué tal tais, toi acabante de llegar d`Ibias y d`instalar Ubuntu, y entós, yá tengo dos duldes: cómo iguar favoritos nel buscador, o seya, cómo guardar llugares favoritos como nos buscadores mayoritarios, aú ta l`enllaz; y necesítase dalgún antivirus. Un saludu dende Cualloto.
12 de Agostu, 2009 - 12:31
Hola Hessen 😉
Bienveníu al mundiu llibre 😀
A les tos duldes:
1º Los “favoritos” son “marcadores”. Nel Firefox (restolador d’Internet), cuando tes na web que quies amestar a “Favoritos” vas al menú Marcadores/Amestar a marcadores esta páxina.
Nesi mesmu menú (marcadores), tienes la llista con tolos marcadores qu’amestaste col tiempu 😉
2º Non, tamos llibres de virus, col ordenador como lu tienes nun tendrás problemes de virus. Llee esto si quies saber más: http://acurti.es/iea
Un saludu.
12 de Agostu, 2009 - 16:26
Gracies, ya lleí l`artículo recomendáu, polo que veo l`usuariu de Linux tien que tar bien informáu, nun pue ser un simple consumidor, hai que reflexionar y analizar, hai que pensar,… Gracies dende Coalloto.
13 de Agostu, 2009 - 12:58
Hola.
Nun creas, la diferencia ye que si quies deprender muncho nun tienes barreres 😉