Yá ta equí la nueva versión de LibreOffice. Pa instalala, si tienes Ubuntu 11.04 ó Ubuntu 11.10 namás tendrás qu’esperar unos díes a qu’Ubuntu la incluya nos anovamientos. (Tamién pues amestar el PPA correspondiente. Si nun t’aguantes y quies facelo yá, déxanos un mensaxe nos comentarios)

Si tienes Ubuntu 10.10 ó anterior, tienes que desaniciar primero OpenOffice. Pa ello, desde una terminal, escribes

sudo apt-get purge openoffice*.*

o si yá teníes una versión de LibreOffice anterior:

sudo apt-get purge libreoffice*.*

NOTA: Si uses Fedora, Debian, Mac, Windows… etc, descarga los paquetes necesarios de Libreoffice dende la páxina de descarga: http://www.libreoffice.org/download

Los usuarios d’Ubuntu, necesitaremos sólo 2 paquetes:

1. Paquete Base (calca nel enllaz pa descargalu. Son 145 Mb)
2. Paquete de llingua asturiana (7.8 Mb)

Cuando tengas los 2 paquetes descargaos, descomprímeslos nel Escritoriu, por exemplu. Tendrás 2 carpetes. Entres na primer carpeta, ( la del Paquete Base descomprimida, que tendrá un nome como LibO_3.4.4rc2_Linux_x86_install-deb_en-US ), y dientro alcontrarás la carpeta DEBS. Ábrila. Ehí tán tolos .deb necesarios. Cola terminal, namás tienes qu’executar esti comandu.

sudo dpkg -i *.*

Si te fixaste, dientro de la carpeta DEBS, hai una carpeta denomada “desktop-integration“. Entra nella tamién, y verás otru ficheru .deb . Execútalo como los anteriores faciendo:   sudo dpkg -i *.*

Agora vamos a la segunda carpeta que descomprimisti enantes, ( la del Paquete de llingua, que tendrá un nome como LibO_3.4.4rc2_Linux_x86_langpack-deb_ast ), y entramos nella y na carpeta DEBS veremos otros tantos ficheros .deb Nesti puntu, yá t’imaxines lo qu’hai que facer… pues executar na terminal el mesmu comandu 😀

sudo dpkg -i *.*
Y pista. 😀

Notes: Pa que nun digáis que nun vos lo dicimos too. Si descargáis y descomprimís los ficheros nel Escritoriu (como nel exemplu), pa entrar a la carpeta DEBS del Paquete Base dende una terminal, tenéis qu’escribir:

cd Escritoriu/LibO_3.4.4rc2_Linux_x86_install-deb_en-US/DEBS/

lóxicamente, pa entrar a la carpeta “desktop-integration” será:

cd Escritoriu/LibO_3.4.4rc2_Linux_x86_install-deb_en-US/DEBS/desktop-integration/

Y pa entrar na carpeta DEBS del Paquete de llingua:

cd Escritoriu/LibO_3.4.4rc2_Linux_x86_langpack-deb_ast/DEBS/

 

Esti artículu espublizóse'l 12 de Payares de 2011 a les 12 de Payares de 2011 y ta guardáu en Noticies.
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.