Llanzamientu de Libreoffice 3.3.0 n’asturianu.

Por fin yá ta equí Libreoffice n’asturianu.

The Document Foundation acaba de llanzar la versión final d’esta suite ofimática que va sustituyir a Openoffice n’Ubuntu a partir d’abril. Nun pasa nada si nun uses Ubuntu, tamién ta disponible pal restu de les plataformes. 😀

Dende Tapaponga yá veníemos avisando de toos estos movimientos, y fai tiempu que se punxeron los enllaces a los paquetes beta pa testéu. Gracies al equipu de Softastur, (n’especial a Xuacu) por conseguir la inclusión de la nuesa llingua dende’l principiu. (Asegúrovos que nun foi nada cenciello)

La páxina de descargues ta disponible equí.

Los usuarios impacientes d’Ubuntu 10.10 pueden probar la versión final del siguiente mou:

sudo add-apt-repository ppa:libreoffice/ppa

sudo apt-get update && sudo apt-get install libreoffice

sudo apt-get install libreoffice-gnome (pa usuarios de gnome)
sudo apt-get install libreoffice-kde (pa usuarios de kde)

Como nun podía ser d’otra forma, Libreoffice yá cuenta con ventaxes sobre Openoffice.

Pa los que nun s’atrevan, namás hai qu’esperar 3 meses, hasta que salga Ubuntu 11.04 😉

Collabora con Softastur. Ponte en contautu

2 comentarios al rodiu de “Llanzamientu de Libreoffice 3.3.0 n’asturianu.”

  1. Xuacu diz:

    ¡Como p’adelantate con una noticia! ¡Nun hai cuatro hores que salió! XD

    Faltaría dicir que pa les próximes selmanes intentaremos tener preparada tola infraestructura LibO n’asturianu, n’especial una llista de corréu pa que l*s usuari*s puedan informanos de fallos que pudieren apaecer nes traducciones. Tamién apaecerán dellos módulos de LibO n’asturianu que tan en procesu de traducción, un sitiu web que ta pendiente de que s’estabilice el sitiu principal, les ayudes del programa…

    Como ye vezu col Software, n’especial el Software Llibre, ye un procesu de meyora continuu.

  2. Ta pa Ponga » Archivu del blogue » Fundando la Fundación diz:

    […] xuro que yá conocéis LibreOffice, la suite d’ofimática derivada […]