Memoria de pexe
Hai estudios matemáticos pela rede que demuestren que pa qu’una contraseña seya segura tien de tener polo menos 12 caráuteres y contener lletres mayúscules, minúscules, númberos y símbolos.
Sicasí, ¿cómo alcordase d’una contraseña asina los que nun podemos alcordanos siquiera del númberu del móvil? Apuntala nun val, ye la primer cosa que miren los malos 
Pues pa nós el sitiu passwordcard.org ufre una solución a mediu camín ente una contraseña feble o una contraseña apuntada nún papel o nel móvil. Ello ye una tarxeta na que namái tenemos que nos acordar d’un símbolu, un color, la llonxitú de la clave y el sentíu nel que s’escueye la clave.
¿Qué vos paez l’inventu? ¿Ye seguru o ye fácil de descifrar?
Avisu: nun uses la tarxeta de la imaxe porque yá la conocemos tolos llectores de Tapaponga. Si t’interesa descarga una tarxeta personal dende’l propiu sitiu.
13 de Agostu, 2011 - 18:16
Perbona idea, nun tengo dao vueltes pa sacar adelantre una contraseña potable pa daqué d’interné…, y a la fin, col usu too se memoriza.
28 de Setiembre, 2011 - 21:20
La parte bona ye que, pa contraseñes de la rede, los restoladores modernos s’encarguen ellos d’alcordase de les contraseñes