Presentación y Taller d’instalación d’Ubuntu 11.04 – 30 Abril en FNAC

A finales d’abril del 2011 apaecerá la nueva versión d’Ubuntu, 11.04, Natty Narwhal

El sábadu 30 d’abril, AsturLiNUX, MouseTrap (Alumnos EII), Ubuntu-ast y Softastur van facer una presentación na FNAC sobre Ubuntu.

Dende les 11:00 de la mañana, y a cada hora, van amosase les novedaes más importantes de la distribución y solventarán les tos duldes. Simultáneamente van facer un taller d’instalación d’Ubuntu 11.04, que consiste n’instalar Ubuntu nel to ordenador y enseñate a remanalu, too ello de baldre. Si yá tienes Ubuntu pues anovalu nel momentu.

Taller d'instalación Ubuntu 11.04

El programa previstu ye esti:

  • Presentación: Cada hora enseñaráse qué ye Ubuntu y les novedaes más importantes de la nueva versión 11.04.
  • Instalación (De 11:00 a 14:00 y 16:00 a 20:30): Instalación d’Ubuntu nel to ordenador y deprendimientu básicu, too ello totalmente de baldre. Si quies llevar el to ordenador pa instalar Ubuntu ye mui importante que sigas estos pasos.
  • Party (De 14:00 a 16:00): Si ta un día soleyeru diremos a dalgún parque cercanu a xintar. Nós ponemos la bebida y tú traes dalgo pa picar y compartimos la comida ente toos.

Si quies saber los motivos de por qué usar Ubuntu, calca equí.

2 comentarios al rodiu de “Presentación y Taller d’instalación d’Ubuntu 11.04 – 30 Abril en FNAC”

  1. xabeldiz diz:

    una dulda, toi mirando pa mercar una tableta y toi buscando dalguna que nun vaiga con android de google si non con dalguna distribución de linux/gnu. hailes, ye posible mercar una con android y instalái una distro?

    gracies

  2. marquinos diz:

    Bones Xabel. El problema ye’l procesador qu’usen, que suel ser un ARM y nun ye tan fácil instala-y una distro. Parezme que a cortu plazu saldrán tabletes con Meego preinstaláu.