Problemes coles traducciones pa Intrepid

Toi acabante d’instalar Intrepid nel pc, como tengo una partición colos datos (el porno y eses coses imprescindibles) desanicie les particiones que usa’l sistema y fice una instalación llimpia. Tengo la costumbre d’instalar siempre en modu testu y la verdá que presta dar con pantalles como esta… 🙂

Bono, casu ye que depués d’instalar col tecláu asturianu y depués d’instalar les traducciones abro el Firefox y NOOOON ta n’inglés… nun se que pasó pero les traducciones d’esti navegador nun s’anovaron pa la nueva versión…

Bono, solución temporal, instala esti plugin nel to firefox, nun lleva más de 2 segundos, reinicies el navegador y yá ta n’asturianu otra vuelta…

6 comentarios al rodiu de “Problemes coles traducciones pa Intrepid”

  1. marquinos diz:

    Creo qué a Firefox hai qu’unvia-ylo pa que lo incluya nos sos repositorios.
    Creo remembrar que Launchpad ponía que ye “experimental”.

  2. Rieḷḷu diz:

    Home, home, home, acoyonante ubuntu n’ast, jijiji, comu me presta poder escribir Rieḷḷu, guaḥe, cancieḷḷa, Montecieḷḷu, Ḷḷamaraxil… amás de tolos progamas qu’hai afios na nuesa ḷḷingua.

    Namás una cosina, quiciabes taba bien un tutorialin d’esos per bonos pa desplicar como istalar Interprid cuando ya teníes Hardy, ensin perder “el porno y eses coses imprescindibles”, ye que yo púnxeme a guetar pela rede y atopé delles coses, decidime por una y perdílo too (anque tenía copias de seguridá asina que nun me dio munchu más). Pues eso, pa que asina la xente que nun entiende munchu (como yo) nun tenga problemes, nun se como lo veis.

    Lo dicho, ablucante!!

  3. Dangerous Piper diz:

    home la verdá ye que siempre que faes una instalación tienes el peligru de perder los datos, por eso hay que salvalos, pero yo fice una partición pal sistema (puntu de montaxe /) y reserve otra pa datos (ensin puntu de montaxe) formateaes en ext3 (amás d’una tercera pa swap).
    Instalo el sistema na partición / (yo dexe 30 gb) y olvideme del resto, cuando acabó la instalación edito el fichero /etc/fstab y marco-y la partición llibre pa los datos pa que la monte nel arranque… anque tamién podríes montala manualmente al entamar el sistema. Pero esto ye’l métodu que faigo yo, puedes tener otros como facer una particion pa /home o facer un upgrade desde cd o aptitude, esto respeta les aplicaciones y configuraciones que tengas.

  4. marquinos diz:

    Fecho Rieḷḷu 😉
    Esta manera que pongo nel siguiente post ye como yo actualicé de Feisty a Hardy, y d’Hardy a Intrepid, y too perfeuto! Guardate los datos, les aplicaciones istalaes y les sos configuraciones 😀 Pa mi ye la meyor manera.
    Un saludu.

  5. Rieḷḷu diz:

    Acabo d’atopar lo que pensé que perdiera, pero de toes formes de xuru qu’esi post va sirvi-y a más d’ún.

    (ḷḷ ḥ como presta, jeje)

  6. astur diz:

    Ye verdá que dempués de poner Ubuntu n’asturianu el Firefox ainda sal n’inglés. Tien de ser polo que comenta Marquinos. Sicasí, los de Softastur son más rápidos que un rayu que mata, xD, y en google Code ( http://code.google.com/p/softasturubuntutranslations/ ) , yá tan les traducciones pa Firefox – Intrepid. Ye namái copiar-pegar