«
»

rtorrent: Baxa torrent dende la Terminal

rtorrent ye un cliente pa la terminal (ensin ventana gráfica).

¿El motivu pa usalu? Pues ye que… ¡ESNALA! Enxamás baxé tan rápido torrents como esti programa, y además puedes usalu incluso nun Pentium I, ya que casi nun consume recursos. Obviamente nun ye tan fácil de remanar como Transmission (el cual me presta tamién abondo), pero si quies potencia y optimización del equipu, o ye un sirvidor en mou testu, rtorrent ye una opción perfeuta.

Pa instalalu, dende la terminal:

sudo apt-get install rtorrent

Agora a remanar con el… escribe na Terminal:

  • screen rtorrent: p’abrilu y calcando Ctrl+A+D queda en segundu planu.
  • screen -r: Pa volver a poner en primer planu rtorrent.
  • Ctrl+Q: Colar 😉

pa copiar el ficheru de configuración al to home:

cp /usr/share/doc/rtorrent/examples/rtorrent.rc /home/usuariu/.rtorrent.rc

Pa editalu:

nano /home/usuariu/.rtorrent.rc

Ye importante que seleiciones un direutoriu pa la “session”, onde remembrar los torrents que tan baxándose.

  • Enter: escribe’l camín d’un ficheru .torrent p’amestalu.
  • Arriba/Abaxo: Seleicionar un torrent.
  • Ctrl+S: Aniciar descarga del torrent seleicionáu.
  • Ctrl+d: Parar baxada.
  • Ctrl+d (otra vegada): Desaniciar torrent seleicionáu.

+ info con ataxos de tecláu. ¡A esfrutalu Mikel! 😉

Esti artículu espublizóse'l 16 de Xunetu de 2010 a les 16 de Xunetu de 2010 y ta guardáu en Noticies. Etiquetes: .
Puede tar al corriente de los comentarios d'esti artículu gracies al feed RSS 2.0. Los comentarios y los trackbacks tan zarraos.

5 comentarios al rodiu de “rtorrent: Baxa torrent dende la Terminal”

  1. Astur diz:
    17 de Xunetu, 2010 - 20:37

    …estos de Debian…. 😀

  2. Dangerous Piper diz:
    18 de Xunetu, 2010 - 15:56

    Buuuuuuuuaaaaa… como mola… hasta agora namás que tenía un cliente en php que comía demasiaos recursos… ideal pal mi PII gracies marquinos! esperando pol episodiu 4 de la temporada nueva d’IT Crowd pa prebalu 😉

  3. marquinos diz:
    20 de Xunetu, 2010 - 18:06

    Uhm… rtorrent dame problemes al facer un rehash tres cascar… *-)
    Tamién puede usase transmission dende la terminal:
    sudo apt-get install transmission-cli
    Pa usalu:
    transmissioncli -d 290 -u 7 -ep -o /home/usuariu/Descargues/ ficheru.torrent

    man page: http://acurti.es/mDh

  4. marquinos diz:
    25 de Xunetu, 2010 - 15:02

    Uhm… camudé’l mio sirvidor de Ubuntu 10.04 a Ubuntu 8.04 y parez que ya nun casca… Aunque tamién ya nun baxo 4 series completes (7GB) a la vez, si non que voi d’una en una. Parez que podría ser cuestión d’una llibrería.
    Sigo ablucando cola velocidá de baxada d’esti veceru de torrent.

  5. marquinos diz:
    26 de Xunetu, 2010 - 17:45

    Bono, confirmo que con Ubuntu 8.04.4 va perbien, ensin esi fraye al facer la comprobación cuando casca o se sal de rtorrent mal. 🙂 ¡A esfrutalu dafechu!