Sé’l creador de la to propia Distro

Atentos:

  • Facer un Sistema Operativu: 1.000 persones, 8-10 años
  • Traducir esi Sistema Operativu: 50 persones, 5 años
  • Preparar, traducir ya implementar Openoffice: 10 persones, 2 años
  • Facer la to distro personal: 1 persona , 1 tarde y 1 café 😀 !!!

Estes son dalgunes de les bondaes del software llibre. Como’l códigu ye llibre, yes llibre de facer col códigu lo que quieras. Y entre eses coses, tán, por exemplu, facer la to propia distribución.

  • “¿Quier dicir eso que puedo facer el mio Sistema Operativu?”

Non, .. pa eso, necesitaríes 1.000 persones y 8 – 10 años.. 😀 Lo que quier dicir esto, ye que puedes personalizar el to Sistema Operativu, instalando los programes que quieras, poniéndo-y los colores que quieras, los temes, el nome que quieras.. etc y distribuyilu ente los tos collacios. Y nun te fai falta saber de programación. Un bon exemplu son les distros personalizaes qu’esisten, como la satánica o cristiana.

Ye divertío, ye cosa de una tarde. Y depréndense dalgunes coses.

En Softastur, va tiempu qu’usamos la nuesa propia distro. Llámase GNUberu y usámosla sobro tou pal desendolcu de los nuesos proyeutos, ye perútil, y afórranos munchu trabayu. GNUberu ñació allá pel añu 2007, y nun ta de más que sepáis cómo se fai, pa que faigáis la vuesa distro.

GNUberu...  qué recuerdos!

GNUberu... qué recuerdos! 😀

exemplu de pantalla de login

exemplu de pantalla de login de Softastur

El nome ye lo de menos, SidriX, UvieuX, AxturieX, Xporting, hai miles de distros, y toes distintes… lo importante ye que la faes nun plis-plás.

  • ¿Qué necesitamos? Pues nada, un programín cenciellu, y ganes.

Esisten munchísimos programes que van aidate a facer la to distro: Remastersys, UCK, Reconstructor… Por simplicidá, recomiéndovos Reconstructor que ye una web que lo fai too automáticamente (incluso dende Windows xD):

https://build.reconstructor.org

Ye namás siguir los pasos:

Criamos y dámos-y un nome al nuesu proyeutu, por exemplu: GNUberu, y decímos-y en qué va a basase la nuesa distro (Ubuntu ó Debian, Si queremos un LiveCD, o una imaxe de discu, l’entornu d’escritoriu: Gnome, KDE, Xfce):

Por defeutu llevará los mesmos programes qu’Ubuntu, si queremos amestar o desaniciar programes (nomaos paquetes) especificamoslo en “Packages”, por exemplu amestamos el restolador web epiphany:

Agora ya tenemos la nuestra distro, sólo queda personalizala, pa ello usamos los “Modules”, con estos módulos podemos poner el fondu que queramos, la páxina d’aniciu de Firefox que queramos, l’animación del entamu que queramos… too ello perfácil:

Y a correr!! El programa xenerará una imaxe .iso calcando en “Build” nunos 15 minutos:

que namás tendremos que baxala y grabala nún CD. ¡¡Y yá ta fecho !!

¿Tiempu total? Una hora o dos  (y un café 😀 )

Ye así como se fai una distro. Básicamente, el trabayu más duru ye escoyer unos temes guapos. 😀 😀 ¿Qué pensábeis que yera? Acabáronse los tiempos de xente con barba programando hores y hores…. Linux fai munchos años que yá nun ye así. Según-y vayáis pillando’l tranquillo, podéis dir amestando ésti o aquel programa… ye custión de tiempu “optimizar” la distro

Eso sí… enxamás uséis una distro que nun seya oficial (Ubuntu, Debian, Fedora, OpenSuse ) nel vuesu PC direutamente. Meyor usái una máquina virtual o en mou Live. Les distros caseres nun tienen una comunidá de millones de persones que les testeen y revisen, ni una gran empresa como Red Hat, Mandriva o Canonical qu’invierta en desendolcu ya innovación. Tampoco sabremos si un autor con males intenciones introduz malware o spyware. Asi que cuidadín. 😉

5 comentarios al rodiu de “Sé’l creador de la to propia Distro”

  1. astur diz:

    Sí, yá se.. el diseñu del logo nun yera mui allá…. pero ¿a quién coño-y importaba?

    Menos mal que tenemos a Dangerous_Piper en too, y lo que hai agora nun tien res que ver con fai 3 años.

    ¿Alcordáisvos? Softastur la pionera… 😉

  2. VeritasEtSeveritas diz:

    Y hai quien vende motos con esto… Mamina. Plataforma por una Xunta de Visibilidá en Softastur YÁ:

    http://www.uniovi.es/zope/noticias/p19/

  3. astur diz:

    Güei en día, facer una distro, faise tan cenciello como comprimir un .pdf . Y dígolo en serio. Internet ta lleno de manuales de cómo facer distros, nun ye dengún secretu. Y la verdá ye que hai tantes distros como persones. (Hailes que hasta te dicen la hora que toca pa rezar el corán: http://blogs.altuxa.com/tapaponga/ubuntu-pa-cristianos-musulmanes-xudios-y-satanicos.html

    Igual ye verdá que Softastur ta faciendo munchu trabayu y nun sabe vendelu, llegar a la xente… Ye un llabor calláu el que-yos toca, en pro de la llingua asturiana. A ver esa plataforma, que Nós nun vendemos “motos” 😉

    P.D. Los nuesos proyeutos son reales. Y el trabayu de Softastur ye pal pueblu asturianu.

  4. David Moreno García diz:

    Muy buena entrada xD

    Espero que no te acusen de calumnias como a mi 😉

  5. astur diz:

    Bueno. Eso no creo que pase. Nosotros no tenemos ningún problema en debatir y demostrar con hechos el trabajo realizado. Aparte, vuelvo a decir que lo que aquí se dice no es nuevo, Internet está plagado de buena documentación 😉