¿Botones o testu?

2 de Xunu de 2010

El restolador de ficheros Nautilus, vien por defeutu en Lucid Lynx, con un sistema de navegación por botones, col que vamos restolando pente les carpetes (exemplu):

|  home   |  el_to_usuariu  |  descargues  |  documentos |

navegación por botones

Pero entá esiste la posibilidá de facelo por testu, (como en karmic, y versiones anteriores d’Ubuntu).

navegación por testu

Esti mou, a mí préstame más, porque por exemplu, ufre la posibilidá de copiar y pegar la direición nuna terminal. Como pa gustos hai colores, y too ye personalizable n’Ubuntu, si lo que quies ye ver el testu na barra de navegación, namás tienes que calcar ALT+F2, y abriráse esta pantalla:

escribir:  gconf-editor   na caxa y calcar en Aceutar

Escribimos gconf-editor na caxa, y calcamos en “Executar

Agora abriráse otra ventana, y na estaya allugada a manzorga, vamos a apps–>nautilus–>preferences  y activamos la caxella (a mandrecha) que diz:  always_use_location_entry

dir a apps--nautilus--preferences  y activar la caxella always_use_location_entry

Zarramos y llisto. Tendremos la barra de navegación ensin botones, como na figura nᵁ 2