Logo nuevu del equipu de traducción d’Ubuntu

24 de Xunetu de 2011

Va tiempu que Canonical, empresa que sofita’l desendolcu d’Ubuntu, llanzó una guía d’estilu tocante a la indentidá corporativa de la propia empresa y del so principal proyeutu. Nel equipu de traducción veníemos usando la indentidá corporativa vieya, pero dende güei yá tenemos disponibles los logos adaptaos a la nueva identidá. Déxolos equí pal que los necesite.

Si daquién los quier más grandes o en formatu vectorial que los pida con un comentariu.

Canonical llibera Launchpad

21 de Xunetu de 2009

Como prometió Canonical (empresa que desendolca Ubuntu), ¡¡güei llibera Launchpad!!

La pa mi meyor plataforma pa desendolcadores, tornadores y xestión de fallos, por fin ya ye llibre baxo llicencia GNU Affero GPLv3 😀

Esto implica qu’otros proyeutos de software pueden usar esti sistema percenciellu. Una noticia pola que munchos lleven años esperando 🙂

Problemes coles traducciones pa Intrepid

1 de Payares de 2008

Toi acabante d’instalar Intrepid nel pc, como tengo una partición colos datos (el porno y eses coses imprescindibles) desanicie les particiones que usa’l sistema y fice una instalación llimpia. Tengo la costumbre d’instalar siempre en modu testu y la verdá que presta dar con pantalles como esta… 🙂

Bono, casu ye que depués d’instalar col tecláu asturianu y depués d’instalar les traducciones abro el Firefox y NOOOON ta n’inglés… nun se que pasó pero les traducciones d’esti navegador nun s’anovaron pa la nueva versión…

Bono, solución temporal, instala esti plugin nel to firefox, nun lleva más de 2 segundos, reinicies el navegador y yá ta n’asturianu otra vuelta…

Proyeutu Gnome n’asturianu en marcha

21 d'Ochobre de 2008

Una selmana de parón y paez que tamos col sindrome d’astinencia, y ye que tamos acabantes de pidir el rexistru del asturianu en Gnome, la idea ye pasar toles aplicaciones de Gnome traducíes en Launchpad y así poder disfrutar amás d’Ubuntu, de Debian, Fedora, Suse, etc… n’asturianu.

Les aplicaciones nun seríen poques: AbiWord, Evolution, Totem, Cheese, gEdit, Evince, Nautilus, Eye of Gnome, Rhythmbox, Epiphany, etc…

Si alguien ta interesáu en trabayar n’esti proyeutu puede contautar en: gnome

Off-topic: Tovía sigo peleando colos blogs d’Altuxa…

¿Y esti qué programa ye?

5 d'Ochobre de 2008

A vegaes, salnos una pantalla, que nun sabemos a qué programa/aplicación pertenez. Saber cual ye pue ser de muncha utilidá si lo que queremos ye iguar o editar dalgún testu de la traducción, (podemos  saber a qué plantía de Launchpad pertenez, y dir aína a la mesma pa iguala).

interrogante

Cola ventana abierta, (la que tamos pescudando saber a qué aplicación pertenez), abrimos el terminal y pondremos:

xprop | grep WM_CLASS

automáticamente, el punteru del ratón conviértese nún “puntu de mira” col que facemos click na ventana deseyada. Esto amosarános l’aplicación correspondiente.

Tormenta d’idegues

28 de Febreru de 2008

Asoleyosé una nueva web oficial de tormenta d’idegues pa Ubuntu 😉
http://brainstorm.ubuntu.com

brainstorm.jpg

Equí podeis aportar idegues pa meyorar a Ubuntu 😀

Bug #1 d’Ubuntu

5 de Febreru de 2008

Lleo en Ubuntu Life acerca del bug númberu 1 d’Ubuntu.

Escrito ya nel 2004, sigue teniendo tola importancia posible pa que Linux llegue a una bona posición nel mercau.

Da pena como me pasó a mi, que merqué fae unos meses el portátil y llamé a HP diciendo que nun lu quería con Windows (ya nin pedí que me descontaren la llicencia), sólo que me lu dieren ensín Windows Vista. Que nanai. Que teníen que llevalu a la fábrica, que nun se facía, y que si lu quería como taba preensamblau (y preistalau) que lu mercare, que nun podíen facer na al respecto.

Asina que a pagar la llicencia de Windows pa namas tenelu dicir, voi da-y una oportunidá al Vista esti, a ver si Microsoft pusose les piles dende’l XP, y sinceramente, nun quedé na satisfechu ¿soi gilipollas pa da-y a Inicio / Botón drechu sobre “Símbolo del sistema” y executar como alministrador, y que tovía m’entrugue si toi seguru de querer executar como alministrador? Que sí leñe!
Y asina decenes de coses más.

Entrugome que pasará dentro de 5 / 7 / 10 años cuando saque Microsoft un nuevu SO? Lo avanzao que tara Linux (gracies sobre too al trabayu en comuña y como ta planificau pa meyorar pasín a pasu) será impresionante (pa exemplu Compiz-Fusion), y díficil lo tendrá Microsoft pa lluchar nel mercau, pero mientres les compañíes de hardware le llambien el culu, too seguirá igual.

¿Será culpa de nos mesmos que nun esiximos calidá?……

Iguando la toponimia

31 de Xineru de 2008

Ta media Asturies igüando los cartelos (o eso dicen los políticos :S ) a la toponimia tradicional del país, y ¿Ubuntu nun diba a ser menos, non? 😉
Ye un trabayu en comuña. Faenla los/es usuarios/es que quieren usar esa llingua nel so sistema operativu, y pal asturianu fae falta xente qu’eche un gabitu pa la torna d’Ubuntu.

¿Requisitos?
1.- Inxeniería aeroespacial cosmonautica.
2.- Ser un gurú d’Ubuntu, Windows, MS-DOS y Visual-Basic 1.0.
3.- Demostrar que se tien DNI asturchale y se puede beber una pipa de sidre entera ensín esforzase.
4.- Tener muxín nel llar.
5.- Mente abierta y gran intuición pa saber que “Mouse” nun ye Micky Mouse, sinon la esquina superior drecha del monitor.

jejeje, quietuuuuu/aaaaaa, que yera broma! 😛
Agora que ya te tengo acoyonau/a vas dicir “¡Ah! ¡Qué fácil ye!!!” 😀

Sólo tienes que dir a
https://translations.edge.launchpad.net/ubuntu/hardy/+lang/ast
Rexistrate y entamar a tornar les frases que quieras escoyendo un paquete de la llista 😀

¿Nun fué pa tanto eh? Lo que si ye pa muncho ye la cantidá de frases a tornar, asina qu’aunque seya una frase, echa’l gabitu, por favor!

¡Gracies! 🙂